LUKUVI 'AKATISHA' ZIARA YA WABUNGE NHC

-

 -Mkurugenzi NHC asema alishiriki mradi uiotembelewa leo

- Atajwa ni mbunge, waziri mkongwe zaidi

-Ni mwalimu, kioo kwa wabunge na wanasiasa

Mwandishi Wetu, daimatznews@gmail.com

Kifo cha Mkongwe wa siasa nchini ambaye pia ni Waziri wa Nchi, Ofisi ya Waziri Mkuu, Bunge na Uratibu na Watu Wenye Ulemavu, William Lukuvi kimeilazimu Kamati ya Kudumu ya Bunge ya Uwekezaji wa Mitaji ya Umma (PIC), kukatisha ziara waliyoianza kwenye Mradi wa Samia Housing Scheme, Dar es Salaam inayotekelezwa na Shirika la Nyumba la Taifa (NHC).

Marehemu William Lukuvi

Taarifa ya kifo cha Lukuvi imetolewa leo, Machi 25, 2026 na Rais Dk. Samia Suluhu Hassan  ikieleza kuwa waziri huyo amefariki saa 1 asubuhi.

Lukuvi anayetajwa kuwa mbunge aliyekaa bungeni kwa kipindi kirefu zaidi kati ya wabunge wa sasa hadi alipofariki, anaelezwa amekutwa na umauti wakati akipatiwa matibabu katika Hospitali ya Benjamin Mkapa mjini Dodoma, baada ya kupatwa na mshituko wa moyo.

Wakati taarifa ya kifo cha Lukuvi ikitolewa, PIC ilikuwa katika ziara yake katika miradi ya Samia Housing na Kawe 711, ambapo pia ilipangiwa kutembelea Mradi wa Morocco Square na Jadda Hotel.

Mkurugenzi Mkuu NHC, Hamad Abdallah akizungumzia kifo cha Lukuvi, leo Machi 25,2026 Dar es Salaam.

Akitangaza kuahirisha ziara hiyo, Mwenyekiti wa PIC, Masanja Kadogosa amesema hatua hiyo ni kwa mujibu wa Kanuni na Taratibu za Bunge ili kupisha taratibu za msiba. 

Kadogosa amesema Bunge limepata pigo kubwa kwa kuondokewa na mbunge mwenzao, huku akitoa pole kwa Rais wa Jamhuri ya Muungano wa Tanzania, Spika wa Bunge na Watanzania wote, akieleza kuwa Lukuvi alikuwa kiongozi muhimu katika utekelezaji wa majukumu ya Serikali, hasa katika masuala ya sera.

Akimzungumzia zaidi, Kadogosa amemtaja Lukuvi kuwa mbunge mkongwe na mzoefu zaidi ambaye wengi wa wabunge akiwamo yeye walikuwa wakimsikia alivyokuwa akiwajibika bungeni hata baadhi kushawishika kuingia bungeni kwa mfano wa Lukuvi.

Mwenyekiti wa PIC, Masanja Kadogosa akitoa taarifa ya kuahirisha ziara ya Kamati yake leo Machi 25,2026

Naye mbunge wa Biharamuro Ezra Chiwelesa ambaye pia ni mjumbe wa PIC amesema kwa wabunge wengi, Lukuvi alikuwa kama kioo na mwalimu lakini pia kifo chake kimeacha majonzi kwa wabunge na watanzania wengi hasa wanachi wa Jimbo la Isimani

Kwa upande wake, Mkurugenzi Mkuu wa NHC, Hamad Abdallah, amesema shirika limepokea kwa masikitiko taarifa hiyo na kutoa pole kwa Rais Samia Suluhu Hassan na Spika wa Bunge, Mussa Azan Zungu. 

"Lukuvi amefariki wakati leo Kamati ya PIC inafanya ziara katika miradi ya NHC, wakati mradi huu wa Kawe 711 unaanza, Lukuvi alikuwa Waziri wa Ardhi, Nyumba na Maendeleo ya Makazi na alisimamia kuanza kwa mradi huu," amesema Hamad na kuhitimisha:

"Hivyo NHC imepoteza kiongozi mwenye maono makubwa katika maendeleo ya ujenzi wa nyumba bora za kisasa nchini."


Taarifa zaidi soma hapa chini:



Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma