TRC yaanza kuunganisha injini za treni za reli ya MGR

-

-Yaweka historia Afrika Mashariki

Mwandishi Wetu, daimatznews@gmail.com

Shirika la Reli Tanzania (TRC) limeanza kuunganisha injini za treni za reli ya Meter Gauge Railway (MGR) ndani ya nchi, hatua inayofanya Tanzania kuwa nchi ya kwanza katika ukanda wa Afrika Mashariki kutekeleza mpango huo. 

Hatua hiyo imepongezwa na Kamati ya Kudumu ya Bunge ya Miundombinu.

Wakati wa ziara ya ukaguzi wa mradi wa kuunganisha injini hizo katika Karakana ya Reli ya Pugu jijini Dar es Salaam leo Machi 14,2026, kamati hiyo imeishauri TRC kuendelea kuimarisha ujuzi wa vijana wa Kitanzania wanaoshiriki katika mradi huo kwa kuwapatia mafunzo ya juu ya kiufundi ndani na nje ya nchi.

Mwenyekiti wa kamati hiyo,Selemani Kakoso, amesema kuwa uwekezaji katika kuendeleza taaluma za mafundi wazawa utasaidia kuongeza utaalamu wa kiufundi, ubunifu pamoja na ufanisi katika sekta ya reli nchini.

Pia meiihimiza TRC kuweka kipaumbele katika kutoa ajira kwa vijana waliopata mafunzo hayo ili waendelee kuchangia maendeleo ya shirika hilo pamoja na maendeleo ya taifa kwa ujumla.

Kakoso ameipongeza TRC na Mkurugenzi Mkuu wake, Mhandisi Machibya Shiwa, kwa kile alichokieleza kuwa ni hatua ya kihistoria kwa Tanzania na ukanda mzima wa Afrika Mashariki.

Kwa mujibu wa kamati hiyo, uamuzi wa kuunganisha injini hizo ndani ya nchi ulitokana kwa sehemu na ucheleweshaji wa upatikanaji wa vipuri kutoka kwa msambazaji SMH, uliosababishwa na changamoto za mnyororo wa usambazaji duniani kufuatia vita vinavyoendelea kati ya Urusi na Ukraine.

Kutokana na hali hiyo, TRC ilinunua injini mbili zikiwa zimekamilika kutoka Malaysia, huku sehemu nyingine za injini zikisafirishwa kuja Tanzania ili kuunganishwa katika karakana ya Pugu.

Mpango huo unaelewa kusaidia kwa kiasi kikubwa kupunguza gharama za ununuzi ambazo Serikali ingelazimika kutumia iwapo ingenunua injini zote zikiwa zimekamilika kutoka nje ya nchi. 

Mradi huo umefungua fursa za ajira kwa vijana wa Kitanzania wenye ujuzi pamoja na kuwapa nafasi wasambazaji wa ndani wanaotoa vifaa na huduma mbalimbali za viwandani.

Naibu Waziri wa Uchukuzi, David Kihenzile, pia ameipongeza Serikali kwa kuendelea kuwekeza katika sekta ya uchukuzi, akitaja upanuzi wa miundombinu ya reli pamoja na ununuzi wa vifaa vya uendeshaji kuwa ni hatua muhimu katika kuboresha ufanisi wa sekta hiyo.

Amepongeza uongozi wa Rais Dk. Samia Suluhu Hassan, akieleza kuwa Serikali inaendelea na ujenzi wa zaidi ya kilomita 2,290 za reli ya kisasa ya Standard Gauge Railway (SGR) pamoja na ununuzi wa mabehewa na vifaa vingine vya uendeshaji ili kuongeza ufanisi wa usafiri wa reli.

Awali, Mkurugenzi Mkuu wa TRC, Mhandisi Machibya Shiwa, aliiambia Kamati ya Bunge kuwa mradi wa kuunganisha injini za MGR Class 91XX tayari umefanikiwa kutoa ajira kwa vijana 34 wa Kitanzania ambao hapo awali hawakuwa na ajira.

Ameongeza kuwa mradi huo pia umefungua fursa kwa wafanyabiashara wa ndani wanaosambaza vifaa na huduma za kiufundi, ikiwemo kazi za uchongaji wa vyuma (machining), vifaa vya ujenzi, vifaa vya umeme, mabomba, vilainishi (lubricants), bidhaa za mpira pamoja na vipuri vingine vya viwandani.




Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma