NHC: WANANCHI CHANGAMKIENI FURSA UMILIKI MAKAZI YA KISASA SAMIA HOUSING KIJICHI

-

-NMB watembelea, wajionea fursa 

Mwandishi Wetu, daimatznews@gmail

Shirika la Nyumba la Taifa, National Housing Corporation (NHC), limeweka wazi kuwepo kwa fursa mpya za umiliki wa nyumba za kisasa kupitia Mradi wa Samia Housing Kijichi, wilayani Temeke Mkoa wa Dar es Salaam wakiwataka wananchi wakiwemo watumishi wa Benki ya NMB Plc kuichangamkia.

Kwa hatua hiyo, NHC limeendelea kufungua milango ya umiliki wa makazi ya kisasa kwa Watanzania kupitia utekelezaji wa mradi huo, unaolenga kutoa nyumba bora, salama na zenye miundombinu ya kisasa kwa wananchi wanaotamani kumiliki makazi yenye hadhi.

Akitoa maelezo kuhusu mradi huo kwa maofisa wa NMB Bank Plc, kuhusu mradi huo Machi,7, 2026, Ofisa Masoko wa NHC, Thobiasi Kavishe, amesema mradi huo unatarajiwa kujumuisha takribani nyumba 260 zitakazojengwa katika majengo ya ghorofa aina ya G+4.

Kavishe amesema, nyumba hizo zimepangwa kwa kuzingatia mahitaji ya makundi tofauti ya wanunuzi.

“Kutakuwepo na nyumba zenye chumba kimoja cha kulala, vyumba viwili pamoja na vyumba vitatu vya kulala, ili kutoa chaguo pana kwa wateja kulingana na uwezo wao wa kifedha na mahitaji ya familia.” amesema.

Amefafanua kuwa mbali na ubora wa majengo, mradi huo pia umejumuisha huduma mbalimbali za kisasa zitakazorahisisha maisha ya wakazi wake.

Kavishe amezitaja huduma hizo kuwa ni pamoja na jenereta kwa ajili kukabili kukatika kwa umeme, ofisi ya usimamizi wa majengo (facility management office), mfumo wa kisasa wa utupaji taka (garbage chute), pamoja na maeneo maalum ya maegesho ya magari.

Miundombinu mingine muhimu itakayokuwepo ni pamoja na chumba chenye mitambo ya kusukuma maji, matenki ya maji, mandhari ya bustani, miundombinu ya mawasiliano ya mfumo wa mawasilaiano ya kompyuta( ICT) na waya za data, pamoja na uwanja wa michezo kwa ajili ya watoto na familia.

Katika kuhakikisha wananchi wengi zaidi wanapata fursa ya kumiliki nyumba hizo, Kavishe amesema NHC imeweka mifumo rafiki ya malipo kwa mteja anayenunua nyumba hizo ambayo ni pamoja na malipo ya mara moja (single payment), malipo ya awamu kulingana na maendeleo ya ujenzi (progressive payment), pamoja na mfumo wa mkopo wa nyumba (mortgage loan) kupitia benki washirika.

Amebainisha kuwa kupitia mfumo wa mortgage, mnunuzi anatakiwa kuanza kwa kulipa angalau asilimia 10 ya thamani ya nyumba anayoichagua, huku kiasi kilichobaki kikilipwa kupitia mkopo wa benki kwa makubaliano kati ya mteja na taasisi ya fedha.

Mradi wa Samia Housing Kijichi ni sehemu ya juhudi za NHC za kupanua upatikanaji wa makazi bora, ya kisasa na yenye miundombinu rafiki katika maeneo mbalimbali ya nchi.

Pia unalenga kuimarisha ushirikiano kati ya sekta ya ujenzi na taasisi za kifedha ili kuwawezesha Watanzania wengi zaidi kutimiza ndoto ya kumiliki nyumba.




 

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma