TRC:USAFIRISHAJI MIZIGO SASA KWA CONTAINER CARRIERS SGR

-

-Mteja wa kwanza apata ofa

Mwandishi Wetu,daimatznews@gmail.com

Shirika la Reli Tanzania (TRC) limeanza rasmi usafirishaji wa makasha kwa kutumia reli ya kisasa ya Standard Gauge (SGR) ikibeba makontena 100 kwa safari moja.

Hatua hiyo inalenga kupanua wigo wa biashara nchini, kupunguza msongamano wa mizigo bandarini na kurahisisha usafirishaji wa mizigo kwenda mikoa ya kati ya nchi.

Kaimu Mkurugenzi wa Usafirishaji wa TRC, Focus Makoye Sahani, aliyezungumza wakati wa kuanza safari ya treni ya kwanza ya makasha kutoka Pugu Dar es Salaam kuelekea Ihumwa mkoani Dodoma, ameeleza kuwa treni hiyo inasafiri umbali wa takribani kilometa 420 kutoka Dar es Salaam.

"Leo tumeongeza wigo wa biashara kwa kupakia makasha. Kama mnavyoona, treni yetu ya kwanza ya makasha kwenda Ihumwa, Dodoma, leo imeanza safari zake na tuna ofa ya kutosha kutoka kwa mteja wetu wa kwanza,” amesema Sahani.

Amebainisha kwamba hatua hiyo ni mwanzo wa usafirishaji wa makasha baada ya TRC kuanza kusafirisha abiria pamoja na mizigo mbalimbali ikiwemo kichele kuanzia mwezi Julai, pamoja na saruji inayopakiwa Pugu.

Ameeleza kuwa treni hiyo ina mabehewa 50 yanayobeba jumla ya makasha 100, huku mteja wa kwanza, ambaze ni GSM, akipata ofa ya kuanzia kwa huduma hiyo.

Kwa mujibu wa Sahani, TRC imeanza upakiaji wa makasha katika eneo la Pugu, huku ikifanya maboresho ya miundombinu ikiwemo Malindi Yard karibu na eneo la Gerezani  ili kuimarisha shughuli za upakiaji wa makasha.

Sahani amesema kuwa hatua hiyo itasaidia kupunguza msongamano wa mizigo bandarini, sambamba na utekelezaji wa maelekezo ya Mkurugenzi Mkuu ya kuhakikisha uwepo wa Vituo vya Kontena vya Ndani (ICD) katika Morogoro, na Ihumwa .

“Tutakuwa na ICD Morogoro ambayo ipo kilometa 193 kutoka Dar es Salaam, ambako wateja wanaoelekea Mbeya na Iringa wataweza kuchukua mizigo yao. Lakini pia kuna ICD ya Ihumwa ”amesema.

Ameongeza kuwa safari ya kuelekea Morogoro huchukua muda mfupi, huku mzigo unaoelekea Dodoma ukishushwa katika ICD ya Ihumwa, ambako kuna eneo kubwa na miundombinu ya kutosha kuhudumia makasha.


Akitoa wito kwa wafanyabiashara, Sahani amewahimiza Watanzania kutumia usafiri wa reli ili kupunguza utegemezi wa malori kutoka Dar es Salaam kwenda Dodoma, akisisitiza kuwa huduma ya reli ya Standard Gauge ni rahisi, salama na yenye ufanisi.

Hii ni mara ya kwanza kwa TRC kutumia container carries,  toka ilipoanza usafirishaji wa  mizigo kwa SGR Juni 27, 2025.

Shirika la Reli Tanzania (TRC) lilipokea jumla ya mabehewa 264 ya mizigo ya  SGR Desemba 2024 ambapo  kati ya hayo mabehwa 200 yakiwa ni ya kubebea makontena (containers carriers) na 64 ni ya kubebea mizigo isiyofungwa (loose cargoes).

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma