TAMICO YAPENDEKEZA MABORESHO HALI ZA WAFANYAKAZI NHC

-

 -Mkurugenzi Mkuu NHC ajibu unafanyiwa kazi ndani ya miezi 6

-Ataka TAMICO ichukue ya NHC kama mfano bora

 Mwandishi Wetu, daimatzanews@gmail.com

Chama cha Wafanyakazi wa Migodi, Nishati na Ujenzi (TAMICO), kimependekeza Shirika la Nyumba la Taifa (NHC), kuufanyia maboresho Mkataba wa Hali Bora kwa Wafanyakazi wa shirika hilo uliopo kwa maslahi ya watumishi hao, huku Mkurugenzi Mkuu wa NHC, Hamad Abdallah ikiahidi kufanyia kazi ndani ya miezi sita.

Mkurugenzi Mkuu wa NHC, Hamad Abdallah akizungumza kwenye mkutano wa Baraza la Wafanyakazi wa shirika hilo leo, Februari 11, 2026 jijini Arusha

Ushauri huo umetolewa na Katibu Mkuu wa TAMICO Taifa, Partenus Rwechungura, alipokuwa akitoa salam za chama hicho cha wafanyakazi katika ufunguzi wa Mkutano Mkuu wa Baraza la Wafanyakazi wa NHC kwa mwaka 2026, unaofanyika jijini Arusha.

 “Marejeo ya mkataba yanapaswa kuzingatia maboresho ya stahiki mbalimbali, ikiwemo posho za makazi (house allowance) na masuala mengine yanayogusa ustawi wa watumishi, ili kuhakikisha mazingira bora ya kazi na motisha endelevu,” amesema Rwechungura pichani chini.

 Aliongeza kuwa uongozi thabiti na unaojali ustawi wa watumishi ni msingi wa mafanikio ya taasisi yoyote ya umma na kwamba lengo la pendekezo hilo ni kuimarisha ulinzi wa haki, stahiki na maslahi ya wafanyakazi.

Hata hivyo, katika hotuba yake ya kumkaribisha Waziri wa Ardhi, Nyumba na Maendeleo ya Makazi Dk. Leonard Akwilapo aliyekuwa mgeni rasmi kufungua mkutano huo, Mkurugenzi Mkuu wa NHC, Hamad Abdallah ambaye pia ni Mwenyekiti wa Baraza la Wafanyakazi wa shirika hilo alijibu; 

Baadhi ya wafanyakazi wa NHC wakifuatilia Mkutano Mkuu wa Baraza la Wafanyakazi wa shirika hilo unaoendelea jijini Arusha.

“Mkataba wa hali bora hatujaukalia, tutaufanyia kazi ndani ya miezi sita kwa makubaliano na TAMICO tawi la NHC, nilishakutana nao Februari 3, 2026. Ninaomba TAMICO mchukue NHC kama darasa kwenye eneo hilo.” 

Hamad alimpongeza Rwechungura kwa kuendelea kusimama kidete kutetea maslahi ya wafanyakazi na kuhimiza mazungumzo yenye tija kati ya menejimenti na watumishi wa NHC, huku Rwechungura akipongeza hatua ya Mwenyekiti wa Baraza la Wafanyakazi wa NHC, kutoa muda wa miezi sita kwa ajili ya maboresho ya mkataba huo akieleza ni hatua ya msingi na inaonesha utayari wa pande zote kujenga makubaliano yenye manufaa ya pamoja.

 

 

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma