Muhimbili yaitwa kuhudumia Jeshi Comoro

-

Mwandishi Wetu, daimatznews@gmail.com

Katika kile kinachoeweza kuelezwa kuendelea kupaa kwa ubora wa huduma za Hospitali ya Taifa Muhimbili(MNH), Jeshi la Comoro limeialika hospitali hiyo nchini humo na kuangalia uwezekano wa menejimenti na MNH kuanzisha huduma za kibingwa na bobezi nchini Comoro.

Tayari uongozi wa Hospitali ya Taifa ya Muhimbili umefanya ziara ya kikazi nchini Comoro kwa mwaliko wa jeshi hilo la Comoro, hatua inayotajwa ni maandalizi ya kuanzisha ushirikiano wa kimkakati kwenye huduma za Hospitali ya Jeshi na sekta ya afya kwa ujumla nchini Comoro.

Mwaliko huo wa Jeshi la Comoro umeelezwa kuwa na lengo la kuanzisha ushirikiano utakaohusisha menejimenti ya hospitali, huduma za kibingwa na kibingwa bobezi, uboreshaji wa vifaa tiba, tiba shirikishi, pamoja na maeneo mengine muhimu yatakayochangia kuongeza ubora na upatikanaji wa huduma za afya kwa wanajeshi na raia wa Comoro.

Kwenye ziara hiyo ujumbe wa MNH uliongozwa na Mkurugenzi wake Mtendaji wa Dk. Delilah Charles Kimambo, ambayo ilitoa fursa ya kufanyika mikutano ya kitaalamu baina ya MNH, Hospitali ya Jeshi la Comoro wakiwamo viongozi waandamizi wa jeshi hilo. 

Uongozi wa MNH umeeleza utayari wa kushirikiana na Hospitali ya Jeshi la Comoro katika kuboresha mifumo ya uendeshaji wa hospitali, kuimarisha rasilimali watu kupitia mafunzo na uhamisho wa ujuzi, pamoja na kusaidia katika uanzishaji wa huduma za kibingwa ambazo kwa sasa hazipatikani nchini humo.

Katika ziara hiyo, ujumbe wa Muhimbili ulitembelea miundombinu ya hospitali na kukagua vifaa tiba vilivyopo, lakini pia kupata fursa ya kujadiliana kwa kina na wenyeji wao kuhusu hali ya utoaji wa huduma za afya na maeneo yanayohitaji kuboreshwa.

Ubalozi wa Tanzania nchini Comoro, ukiongozwa na Balozi Saidi Yakubu uliingana na kuuongoza ujumbe wa MNH katika shughuli zote za ziara, huku Balozi huyo akisisitiza dhamira ya Serikali ya Tanzania kuendeleza diplomasia ya afya na kuimarisha ushirikiano wa kikanda.

Ziara hiyo inatajwa kufungua ukurasa mpya wa ushirikiano kati ya nchi hizo mbili, Tanzania na Comoro kwenye sekta ya afya, lakini pia katika kuimarisha uhusiano wa kindugu na kimkakati.


Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma