Nyenzo Kuu 3 Dira 2050 kuanza kuwasilishwa bungeni kesho

-

-Bunge kuzijadili kwa wiki nzima

Mwandishi Wetu, daimatznews@gmail.com

Tume ya Taifa ya Mipango inatarajia kuwasilisha Nyenzo Kuu Tatu za kuanza utekelezaji wa Dira 2050, bungeni mjini Dodoma kesho Februari 2, 2026.

Katibu Mtendaji wa NPC, Dk. Fred Msemwa

Baada ya kuwasilishwa na kupokelewa, Bunge litazijadili kwa muda wa wiki moja kabla ya kutoa uamuzi wake kwa mujibu wa Katiba ya Jamhuri ya Muungano wa Tanzania.

Akizungumza jijini Dar es Salaam leo Februari Mosi, 2026 Katibu Mtendaji wa NPC, Dk. Fred Msemwa ameeleza hayo akizitaja nyenzo hizo kuwa ni pamoja na Mpango Elekezi wa Muda Mrefu ambao ni wa miaka 25 kuanzia mwaka 2026/2027 hadi mwaka 20250/2051, Mpango Elekezi wa Miaka Mitano w mwaka 2026/2027-2030/2031 na Mapendekezo ya Mpango wa Maendeleo ya Taifa wa mwaka 2026/2027.

“Nyenzo hizo zitawasilishwa bungeni na Serikali kupitia Waziri wa Nchi (Mipango na Uwekezaji) Profesa Kitila Mkumbo,” amesema Msemwa aliyekuwa akitoa taarifa kwa umma kuhusu maandalizi ya kuanza kwa utekelezaji wa Dira 2050.

Huku akihimiza Kuhusu wananchi kufuatilia uwasilishwaji wa nyenzo hizo, Dk Msemwa amesema ni muhimu kwa kuwa Dira 2050 imebeba matumaini ya Watanzania wote na imeandikwa kuzingatia maoni yao jambo linaloongeza umuhimu kwa wananchi kujua na kufuatilia mipango iliyoandaliwa ili kutekeleza Dira yao.

Katibu Mtendaji huyo wa NPC amesema ni fursa ya pekee kwa kila mwananchi kufuatilia kutokana na ukweli kwamba uwasilishwaji wake ni jambo lisilotokea mara kwa mara na linaweza kutokea tena miaka 25 ijayo,

” Dira inasisitiza kuhusu ustawi wa pamoja na ushiriki wa kila mmoja katika ujenzi wa Taifa, hii ni alama ya umoja iliyo na nia thabiti ya kutomuacha yeyote nyuma. Ni muhimu kila mtanzania kuwa na taarifa kamili ya kinachoendelea katika Mipango ya Maendeleo ya Taifa, ” amesisitiza Dk. Msemwa.

Kwa mujibu wa Katibu huyo wa NPC, mipango hiyo imepitia ngazi zote za uamuzi serikalini na kwamba itawasilishwa ili kutoa nafasi kwa Bunge kuzijadili na baadae kufanya maamuzi.

“Tume pia imeandaa mwongozo utakaohakikisha Mamlaka za Serikali za Mitaa yakiwemo majiji na manispaa zote, mikoa yote, taasisi za umma, idara na wizara mbalimbali zinaongozwa vizuri katika kutafsiri na kuelewa matarajio ya Dira 2050 kwa usahihi,” amesema Dk. Msemwa na kuongeza;

“NPC imeandaa mwongozo wa upangaji wa mipango ya taifa na katika kuhakikisba mwongozo huo unaeleweka kwa wadau NPC imeshafanya semina na viongozi kutoka halmashauri zote, wizara, idara na taasisi za umma, ili kujadili mwongozo huo na kuwa na uelewa wa pamoja.”

Katila hatua nyingine, Dk. Msemwa ameeleza kuwa NPC ipo katika hatua za mwisho za kukamilisha mfumo wa kielektroniki wa ufuatiliaji wa tathmini, unaolenga kuleta mageuzi ya ufuatiliaji, unaozingatia zaidi matokeo ya kazi na uwajibikaji utakaoanza kutumika pamoja na utekelezaji wa Dira 2050 baade Julai 2026.

 

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma