Mkazi Kibangu 'amlilia' DC Ubungo utekeleaji amri ya mahakama

-

-Ni kuhusu mgogoro wa ardhi unaotishia mustakabali wake

Mwandishi Wetu, daimatznews@gmail.com

MKAZI wa Ubungo Kibangu, Monica Mujuni, ameiomba Serikali kupitia Mkuu wa Wilaya ya Ubungo, Albert Msando(Pichani), kuhakikisha amri ya mahakama inaheshimiwa na mgogoro wa mipaka unaohusisha nyumba yake unatatuliwa haraka.


Monica amesema anahitaji ufumbuzi wa dharura ili kurejesha sehemu ya ukuta wa nyumba yake uliobolewa na jirani yake, akisisitiza kuwa eneo hilo tayari lilishapimwa kisheria na ana hati halali ya umiliki.

Akizungumza leo, Monica alisema mvutano huo ulianzia ngazi ya kata kabla ya kufika mahakamani, ambako alishinda kesi hiyo. Alieleza kuwa baada ya ushindi huo, maelekezo ya kupima eneo lake yalitekelezwa na ndipo alipopatiwa hati ya umiliki.

“Eneo langu limepimwa, nina hati halali. Jirani yangu wa nyuma analazimisha kupita katika uwani kwangu. Usiku alibomoa sehemu ya ukuta wangu na akaweka geti upande wa kwake likielekea kwangu, katika sehemu aliyoharibu,” alisema Monica.

Ameongeza kuwa Mkuu wa Wilaya ya Ubungo aliwahi kufika katika eneo hilo kusikiliza pande zote zinazohusika, ambapo alimkabidhi nyaraka zote zinazoonesha umiliki wa eneo hilo. Kwa mujibu wa Monica, Mkuu wa Wilaya aliahidi kuwa mgogoro huo utashughulikiwa.

“Naiomba Serikali ichukue hatua za haraka kwa sababu mahusiano yangu na jirani yangu siyo mazuri, na hali hii inanitia wasiwasi wa usalama,” alisema.

Kwa upande wake, Edgar Rweyemamu, mmiliki wa nyumba namba 42 inayohusika katika mgogoro huo, alisema suala hilo kwa sasa liko chini ya Ofisi ya Mkuu wa Wilaya. Alieleza kuwa nyaraka zote za umiliki tayari ziliwasilishwa, na wanasubiri wataalamu wa ardhi kufika eneo la tukio kwa ajili ya uhakiki.

“Kwa sasa tunasubiri maafisa wa ardhi waje waangalie ramani na hati. Wao ndio waliotoa hati, hivyo wataangalia uhalali wake na kutoa uamuzi,” alisema Edgar.

Naye Mwenyekiti wa Mtaa wa Kibangu, Hamisi Kureva, alipoulizwa kuhusu mgogoro huo, alisema suala hilo tayari lilishavuka ngazi ya kata na sasa liko chini ya Ofisi ya Mkuu wa Wilaya, hivyo hawezi kulizungumzia.

Juhudi za kumpata Mkuu wa Wilaya ya Ubungo, Albert Msando, kwa simu yake ya mkononi ili kupata ufafanuzi zaidi hazikufanikiwa, licha ya kupigiwa mara kadhaa bila kupokelewa.


Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma