Jamhuri 'yakwaa visiki' kesi ya kusafirisha 'unga'

-

Mwandishi Wetu, daimatznews@gmail.com

UPANDE wa mashtaka katika kesi ya kusafirisha kilo 70.89 za 'unga' umekwaa kisiki, Mahakama imegoma kupokea notisi ya kuongeza vielelezo nane kwa sababu ina mapungufu.


Mahakama Kuu Divisheni ya Makosa ya Rushwa na Uhujumu Uchumi mbele ya Jaji Godfrey Isaya imemtia uamuzi huo baada ya upande wa utetezi kuweka pingamizi maombi ya Jamhuri.

Washtakiwa katika shauri hilo ni Sharifa Majani, Chigbo Innocent, Omari Omari na Mandela Masawe ambao wanashtakiwa kwa makosa manne.

Shtaka la kwanza ilidaiwa kati ya Januari Mosi mwaka 2019 na Aprili 4,2023 maeneo ya Dar es Salaam, Pwani na Kilimanjaro waliandaa gengeni la uhalifu kusafirisha dawa za kulevya aina ya heroine.

Shtaka la pili kwa mshtakiwa wa kwanza na wapili wanadaiwa Aprili 24,2023  maeneo ya Kiluvya wilayani Kisarawe walikutwa wakisafirisha kilo 25 za heroine.

Shtaka la tatu kwa washtakiwa wote walidaiwa kati ya Aprili 20,2023 na Aprili 22, 2023 maeneo ya Kiluvya na Himo mkoani Kilimanjaro walikutwa wakisafirisha kilo 45.89 za heroine.

Katika shtaka la mwisho ilidaiwa mshtakiwa wa kwanza Sharifa alidaiwa kati ya January Mosi mwaka 2019 na Aprili 4 mwaka 2023 maeneo ya Kiluvya alijipatia nyumba yenye thamani ya Sh milioni 168 huku akijua nyumba hiyo ni zao la uhalifu la kusafirisha dawa za kulevya.

Baada ya washtakiwa kukumbusha mashtaka yao, Wakili wa Serikali Mwandamizi, Tawabu Yahya aliomba Mahakama ikubali kupokea taarifa ya kuongeza vielelezo nane.

Wakili wa Serikali Mwandamizi, Tawabu Yahya alidai waliwasilisha taarifa Februari 17 mwaka huu baada ya Februari 16 kubaini kuna hitaji la kuongeza vielelezo.

Maombi hayo yalipingwa na mawakili wa utetezi, Josephat Mabula, Marietha Molela na Alfred Haongo wakidai taarifa ina dosari.

Walidai kwa nyakati tofauti kwamba Ilipaswa ieleze vielelezo kwa shahidi yupi, atajwe jina lake na maelezo yake yawepo.

Pia walihoji muda waliobaini kwamba wanahitaji kuongeza vielelezo na kuwa baada ya kuwasomea washtakiwa maelezo ya awali walitakiwa kujua mapungufu hayo na kuwasilisha taarifa.

Mahakama katika uamuzi wake ilikataa kupokea taarifa hiyo kwa sababu ilikuwa na  dosari.

Jaji Isaya alisema katika taarifa chini maelezo ya shahidi hayaonekani yalikuwa ya nani na kuongeza kwamba maelezo hayo yangeambatanishwa, hata kutaja jina la shahidi wa nane.

"Taarifa haielezi ni shahidi yupi , taarifa hii inakataliwa kwa sababu ina mapungufu,"alisema Jaji Isaya.

Baada ya kutiwa maombi ya kwanza upande wa Jamhuri uliomba kuwasilisha taarifa nyingine wakidai ilikuwa na ufafanuzi uliokuwa unakosekana katika taarifa iliyokataliwa.

Akijibu Wakili Mabula alidai upande wa utetezi wanapinga taarifa hiyo kwa sababu Mahakama haina Mamlaka ya kusikiliza  taarifa ya pili kwa sababu tayari ilishatoka uamuzi.

Wakili Mabula alidai Mahakama inakosa mamlaka ya  kujadili tena suala hilo katika mwenendo huo huo wa kesi na kwamba hata angekuja Jaji mwingine angekosa mamlaka hayo.

Akijibu, Wakili Yahya amedai Mahakama ina Mamlaka ya kuangalia nini kimeelezwa katika taarifa ,hata kama wangejua kabla ya Februari 16, 2026 kuwa wanahitaji kuongeza vielelezo maombi hayo yangewasilishwa siku ya kusikiliza shauri kama walivyofanya.

Amedai kama kungekuwa na namna nyingine ya kuwasilisha taarifa hiyo wangefanya hivyo , aliomba taarifa ya kuongeza vielelezo nane ipokelewe kwani hakuna kifungu kinachoeleza lini taarifa itolewe.

Akichangia Wakili wa Serikali Mwandamizi, Baraka Mgaya amedai hakubaliani na hoja kwamba Mahakama haina Mamlaka ya kujadili hoja hiyo na kwamba taarifa ya kwanza ilikataliwa kwa sababu haikufafanuliwa ili upande wa pili waelewe.

"Notisi ya sasa tofauti haifananj ya Ile ya kwanza , kifungu cha Sheria hakisemi hakuna nafasi ya kuwasilisha taarifa nyingine baada ya ile kwanza kukataliwa, tunaomba taarifa ipokelewe,"amesema.

Jaji Isaya baada ya kusikiliza mawasilisho ya pande zote mbili  ameahirisha shauri hadi Machi 24 mwaka huu kwa ajili ya uamuzi wa kupokea taarifa ya pili ama la.

Mwisho

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma