DC ampa siku 7 Kamishna wa Ardhi

-

Mwandishi Wetu, daimatznews@gmail.com

MKUU wa Wilaya ya Ubungo, Albert Msando amempa siku saba Kamishna wa Ardhi Kanda ya Dar es Salaam kumaliza mgogoro wa mipaka katika hati tatu za viwanja zenye mkanganyiko alizowapa wananchi Ubungo Kibangu.

DC Msando amesema hayo alipotembelea eneo lenye mgogoro wa mipaka Ubungo Kibangu na kukutana na wenye nyumba ambao wana hati halali za kumiliki maeneo hayo.

Wananchi wanaobishania mipaka katika maeneo yao ni Edgar Rweyemamu ambaye alipata hati Novemba 18 mwaka 2023 inayoonesha eneo la njia.

Mwingine Edward Mkina ambaye hati alipata Novemba 20 mwaka 2023 ikionyesha eneo la njia na Monica Mujungu ambaye hati alipata mwaka jana ikionyesha katika eneo lake hakuna njia inayokatiza.

Akielezea Monica amesema Mahakama ilielekeza apimiwe eneo lake, eneo lilipimwa akapewa hati  akajenga ukuta katika eneo hilo.

""Nilijenga ukuta Edgar akaubomoa, hati niliyopewa hakuna njia katika eneo langu,"amesema na kuhoji kama ilikuwa halali jirani yake kubomoa ukuta.

Alipoulizwa Edgar kama wapimaji walifika katika eneo lake, alisema walifika akawapa nyaraka wakasema wanaenda kuangalia michoro kisha watarudi kutoa uamuzi .

DC Msando alisema Kamishna katoa hati tatu ya Edgar, Monica na Mkina na kwamba zote hazijafutwa.

"Natoka siku saba kutoa uamuzi wa hapa, hati ipi ifuatwe, kwa sasa eneo lisijengwe chochote mpaka ufumbuzi utakapopatikana.

"Mgogoro unasababishwa na Kamishna, katoa hati tatu, mbili zinaonyesha njia na moja haionyeshi kuwepo kwa njia katika eneo hilo.

"Naagiza Kamishna wa Ardhi Kanda ya Dar es Salaam kuonyesha kuna njia ama hakuna njia, hati iliyotolewa kimakosa ifutwe.

Eneo la mgogoro

"Baada ya siku saba itajulikana kama Kuna njia ama hakuna, hakuna mtu anayemiliki njia, ambaye hataridhishwa na uamuzi atakaofikia Kamishna wa Ardhi atafutungua kesi,"alisema Msando.

DC Msando alielekeza wanaobishania eneo la njia wabaki kwa amani wakisubiri ufumbuzi wa mgogoro wao na kwamba atakayemtukana mwenzake achukuliwe hatua.

"Monica simu unayo, tusi moja tu rwkodi kwa simu yako, Polisi kata yuko hapa, kashtaki watakuja wamkanate aliyekutukana,"alisema.

Viongozi mbali mbali wa Mtaa wa Ubungo Kibangu walihudhuria mkutano huo akiwemo Mwenyekiti wa Mtaa Hamisi Kureva na Wananchi wa nyumba za jirani.


Mwisho.

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma