Rais Samia 'atembea' katika maneno yake afanya mabadiliko Baraza la Mawaziri

-

 -Amtema Simbachawene

- Makonda Waziri kamili wa habari

Mwandishi Wetu, daimatznews@gmail.com

Rais Samia Suluhu Hassan, amelitikisa baraza lake la mawaziri kwa kufanya mabadiliko makubwa, akitengua uteuzi wa Waziri wa Mambo ya Ndani, George Simachawene, huku akimhamisha naibu waziri wa wizara hiyo Denis Lazaro Londo kwenda  kushika wadhifa kama huo Wizara ya Viwanda na Biashara.

Rais Samia Suluhu Hassan

Taarifa ya Ikulu ya leo Januari 8, 2026, imeeleza kuwa Rais Dk. Samia amemteua Patrobas Katambi kuwa Waziri wa Mambo ya Ndani, kutoka kuwa Naibu Waziri wa Viwanda na Biashara, ambapo Mbunge wa Chaani Zanzibar, Ayoub Mohamed Mahmoud aliyewahi kuwa Mkuu wa Mkoa wa Mjini Magharibi, Kaskazini na Kusini Unguja, ameteuliwa kuwa Naibu Waziri wa Mambo ya Ndani. 

George Simbachawene

Mabadiliko hayo ya Baraza la Mawaziri yamemgusa Profesa Palamagamba Kabudi aliyeiongoza Wizara ya Habari, Utamaduni,Sanaa na Michezo, ambaye amehamishiwa Ofisi ya Rais Ikulu (Kazi Maalum) huku akimpandisha Paul Makonda aliyekuwa naibu wa Profesa Kabudi kurithi nafasi hiyo.

Waziri wa Mambo ya Ndani, Patrobas Katambi

Mabadiliko hayo ya Baraza la Mawaziri yamefanyika Jan 8,2026 takriban Novemba 17, 2025 hadi leo Jan 8, 2026 takriban mwezi mmoja na siku 21 tangu kuundwa baraza la kwanza la kipindi cha pili cha Serikali ya Awamu ya Sita.

Naibu Waziri wa Mambo ya Ndani, Ayoub Mohamed Mahmoud

Hata hivyo, hatua hiyo ya Rais inaweza kuelezwa ametembea kwenye maneno yake.

Ikumbukwe kuwa akizungumza mara baada ya kuapisha mawaziri aliowateua, Novemba 18, 2025 Ikulu Chamwino jijini Dodoma, Rais Samia alisema haoni taabu kubaili mawaziri.

Waziri wa Habari, Utamaduni,Sanaa na Michezo, Paul Makonda

 Mbali na uteuzi na kutengua uwaziri, Rais Samia pia amefanya uteuzi wa nafasi mbalimbali ikiwemo mabalozi.

TaSoma taarifa kamili ya Ikulu iliyosainiwa na Mkurugenzi wa Mawasiliano ya Rais Ikulu, Bakari Machumu, hapa chini;



Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma