NHC yaendelea kugusa maisha ya jamii: Wajasiriamali Kinondoni wapapatiwa mashine za uzalishaji

-

Mwandishi Wetu, daimatznews@gmail.com

Shirika la Nyumba la Taifa (NHC) limeendelea kudhihirisha kwa vitendo dhamira yake ya kuchangia maendeleo ya jamii kwa kukabidhi mashine ya kisasa ya kukamulia juisi kwa vikundi vya wajasiriamali wasioona katika wilaya ya Kinondoni, jijini Dar es Salaam—hatua inayolenga kuwawezesha wananchi kiuchumi na kuongeza thamani ya shughuli zao za uzalishaji.

Watumishi wa Shirika la Nyumba la Taifa (NHC), wakishusha mashine ya kutengenezea juisi ya miwa kisha kuikabidhi kwa kikundi cha wajasiriamali wenye ulemavu wa macho Kinondoni, Dar es Salaam. Mashine hiyo imetolewa na NHC kuwasaidia wajasiriamali hao waweze kujikimu kimaisha.

Akizungumza kwa niaba ya vikundi hivyo, Katibu Mkuu wa Chama cha Wasioona Kinondoni, Vitalis Mdoe, ameishukuru NHC kwa kuitikia ombi lao na kutoa msaada huo muhimu, akisema mashine hiyo itasaidia kwa kiasi kikubwa vikundi vinavyojihusisha na utengenezaji wa juisi kuongeza uzalishaji, ubora wa bidhaa na hatimaye kipato.

"Tumeshukuru sana kwa ujio wenu na kwa moyo wa kujitolea wa Shirika la Nyumba la Taifa. Mashine hii ni jawabu la maombi yetu, na ni chachu kubwa ya maendeleo kwa vikundi vya wajasiriamali wa mali katika eneo letu," amesema Mdoe.

Kwa upande wake, Afisa Mkuu wa Habari na Mawasiliano wa NHC, Yahya Charahani, amesema kuwa hatua hiyo ni sehemu ya utekelezaji wa sera ya Uwajibikaji kwa Jamii (CSR) ya shirika, inayolenga kuwawezesha wananchi kiuchumi, hususan vijana, wanawake na makundi maalumu, ili kujenga jamii yenye uwezo wa kujitegemea.

"Tunayo imani kubwa kwamba mashine hii haitakuwa tu kifaa cha uzalishaji, bali itakuwa nyenzo ya mabadiliko ya maisha—ikisaidia familia, watoto kupata mahitaji ya msingi, elimu, na hata kuwa chachu ya kumudu gharama za maisha," amesema Charahani.

Ameongeza kuwa NHC imetenga kiasi cha fedha kwa ajili ya kusaidia vikundi vya ujasiriamali wa mali kupitia miradi mbalimbali ya kijamii, huku akisisitiza umuhimu wa vikundi kujipanga, kushirikiana na kutumia fursa zinazotolewa kwa uwajibikaji na uendelevu.

Wanufaika wa msaada huo wameahidi kuitumia mashine hiyo ipasavyo, kwa mujibu wa malengo yaliyokusudiwa, na kuendelea kushirikiana na NHC pamoja na taasisi nyingine kwa ajili ya maendeleo yao na jamii kwa ujumla.

Kupitia msaada huu, NHC inaendelea kuonesha kuwa jukumu lake halishii kwenye ujenzi wa nyumba pekee, bali pia linagusa moja kwa moja maisha ya wananchi kwa kuchochea uchumi wa chini, kuimarisha ujasiriamali na kujenga jamii imara na yenye matumaini mapya.

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma