Saa wakurugenzi mashirika ya umma zahesabika

-

 -Serikali yaja na mageuzi ya sheria

-Wana takriban siku 200 kubaki madarakani

-Mageuzi kugusa mamlaka ya Rais kuwateua

-Mashirika kusajili hisa, kuongeza wajibikaji

Mwandishi Wetu, daimatznews@gmail.com

Siku za wakurugenzi wa mashirika ya umma na wakala za Serikali nchini zinahesabika, wakibakiwa na takriban siku 217 kabla ya kujua hatma yao, iwapo watasalia au kuondoka kwenye nafasi hizo.

Kuanzia Desemba 2025, siku hizo 217 sawa na wastani wa miezi saba, zikizidishwa kwa saa 24 za kila siku moja, zinakuwa jumla ya saa 5,208, muda unaolingana na kipindi kilichosalia kabla ya kuanza kutumika kwa mfumo mpya wa ajira.

Profesa Kitila Mkumbo, Waziri wa Nchi, Ofisi ya Rais – Mipango na Uwekezaji

Hatua hiyoi inakuja baada ya Serikali kutangaza mpango wa kufanya mageuzi makubwa katika uongozi wa mashirika ya umma, unaotarajiwa kuanza rasmi Julai 1, 2026

Kwa mujibu wa Serikali, mabadiliko hayo yatakwenda na mabadiliko ya sheria ambapo Wakurugenzi wa mashirika watalazimika kuomba nafasi hizo na kusailiwa badala ya kuteuliwa na Rais kama ilivyo sasa.

Mageuzi hayo ya Serikali yanakusudia kuondoa utaratibu wa uteuzi wa moja kwa moja hasa ule unaofanywa na Rais, badala yake kuanzisha mfumo wa upatikanaji wa viongozi kwa njia ya ushindani wa wazi.

Waziri wa Nchi, Ofisi ya Rais – Mipango na Uwekezaji, Profesa Kitila Mkumbo, amebainisha hayo  Desemba 8,2025 Dar es Salaam, akisema; “Mfumo huo mpya utaanza kutumika Julai 1, 2026, baada ya kupitishwa kwa sheria mpya inayoandaliwa na Serikali.”

Prof. Mkumbo amesema hatua hiyo ni sehemu ya mpango mpana wa Serikali wa kuboresha utendaji wa mashirika ya umma, kujenga uaminifu wa umma, na kuondoa malalamiko yaliyokuwapo kuhusu uteuzi wa viongozi bila mchakato shindani.

“Kama ni Mkurugenzi Mkuu wa TANESCO utaomba, uta-apply, na utashindanishwa.

Kama unataka kuwa mjumbe wa bodi ya TPA au TISEZA utapitia mchakato wa ushindani. Watanzania wote wenye sifa wataomba, na uchaguzi utafanywa kwa competitive recruitment,” amesema.

Mijadala ya wanaharakati yaguswa

Kwa muda mrefu, baadhi ya wananchi, wasomi na wanaharakati wa demokrasia nchini wamekuwa wakipendekeza kupunguzwa kwa baadhi ya mamlaka ya Rais, ikiwemo katika uteuzi wa wakurugenzi wa mashirika na bodi za umma.

Hoja yao kuu imekuwa kwamba mamlaka makubwa ya uteuzi huondoa ushindani wa wazi, huzuia uwajibikaji, na kuacha mianya ya upendeleo wa kisiasa au undugu.

Mageuzi haya mapya yanayohamisha uteuzi kwenda kwenye mfumo wa ushindani wa kitaalamu, yanaonekana kugusa moja kwa moja kilio hicho cha muda mrefu, na kwa wengi, ikiwa ni hatua muhimu kuelekea kuimarisha misingi ya utawala bora na uongozi bora nchini.

Wachambuzi wa masuala ya utawala wanasema hatua hii inaweza kupunguza minong’ono kuhusu ‘uteuzi wa kiupendeleo,’ hususan katika nyadhifa za wakurugenzi, wajumbe wa bodi, na watendaji wa ngazi za juu katika mashirika ya serikali.

Mabadiliko mengine yajayo

Katika maelezo yake kwa waandishi wa habari jijini Dar es Salaam, Prof. Mkumbo amesema Serikali inaunda mfumo mpya wa upimaji utendaji wa mashirika ya umma, utakaozingatia tija ya kiuchumi, ubora wa huduma na mchango wao kwenye uchumi wa taifa.

Amesema sheria mpya itayalazimisha baadhi ya mashirika ya kibiashara ya Serikali kujisajili kwenye Soko la Hisa ili kutoa fursa kwa wananchi kumiliki hisa, kuongeza uwazi katika uendeshaji na kuongeza uwajibikaji kwa menejimenti na bodi.

 

 

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma