Masharti 5 kwa Polisi kukamata raia sasa ni haya

-

Mwandishi Wetu, daimatznews@gmail.com

Waziri wa Mambo ya Ndani, George Simbachawene, ameagiza Jeshi la Polisi nchini kuhakikisha kuwa ukamataji wa watu unafanywa kwa kuzingatia sheria, ustaarabu na maadili ya kazi ya polisi. 

Waziri wa Mambo ya Ndani, George Simbachawene

Ameyasema hayo jijini Dar es Salaam, Desemba 8, 2025, akimwelekeza Mkuu wa Jeshi la Polisi (IGP), Camillus Wambura, kusitisha mara moja vitendo vya ukamataji wa mabavu vinavyofanywa kwa askari waliovaa kama "ninja", wasio na sare na wakiwa na silaha nzito.

Akiweka maelekezo hayo hadharani, Waziri Simbachawene amelikumbusha Jeshi la Polisi masharti matano muhimu ya ukamataji unaokubalika kisheria na unaoakisi staha ambayo ni pamoja na;

1. Askari kuvaa sare rasmi za Polisi

Waziri Simbachawene amekataza ukamataji unaofanywa na askari waliovaa mavazi kama ninja au nguo zisizowatambulisha kama polisi. Sare ni utambulisho wa kisheria na chanzo cha uaminifu kwa wananchi.

2. Ukamataji ufanyike kwa kutambulisha dhamira na sababu za Polisi

Askari wanapaswa kufika kwa staha, kujitambulisha, kueleza kuwa “Jeshi la Polisi linamhitaji mtu fulani kwa mahojiano” na kutoa maelezo yanayoeleweka. Hakuna kumvizia mtu tu bila taarifa.

3. Ukamataji ufanyike mchana kwa uwazi

Kwa mujibu wa Waziri, mtu anayefahamika makazi yake na kazini kwake hana sababu ya kukamatwa usiku au kwa misako ya mabavu. “Kwanini uende nyumbani kwake na hofu yote wakati mtu anafahamika?” alihoji.

4. Hakuna kutumia silaha nzito au kuibua hofu kwa familia

Waziri amekemea tabia ya askari kwenda nyumbani kwa raia wakiwa na silaha kubwa na kutisha watoto na familia. Ameonya kuwa kitendo hicho kinawajengea watoto chuki ya maisha dhidi ya polisi na kuacha makovu ya kisaikolojia.

5.Ukamataji lazima uendane na uzito wa kosa

Amesisitiza kuwa si sahihi kutumia nguvu kubwa au operesheni nzito kwa makosa madogo, ikiwemo malalamiko ya mtandaoni yanayopotoshwa kuwa uchochezi. “Haya mambo madogo halafu unakuja na nguvu kubwa, haya ndiyo yamefanya baadhi ya watu wawachukie polisi,” alisema.

Waziri Simbachawene amehitimisha kwa kusema kuwa Polisi ni nguzo ya amani na usalama wa wananchi, hivyo ni muhimu ukamataji ukafanywa kwa heshima, staha na kuzingatia utu ili kujenga uhusiano chanya kati ya Jeshi la Polisi na wananchi. 

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma