Mnada wa korosho waanza, Kilo Sh.3500Mtwara

-

 -Tani 26,000 zauzwa, wakulima waanza 'kunukia' noti

Mwandishi Wetu, daimatznews@gmail.com 

Mnada wa kwanza wa zao la korosho kitaifa kwa Msimu wa Mwaka 2025/2026 umefanyika leo Novemba 8,2025 katika Halmashauri ya Wilaya ya Tandahimba,Mtwra, huku tani 26,000 zikiuzwa kwa bei kikomo iliyokubalika na wakulima ambayo ni kati ya Sh.2,550  hadi Sh.3,520 kwa kilo moja.

Mwenyekiti wa Bodi ya Korosho Tanzania (CBT) Brigedia Jenerali Mstaafu Aloyce Mwanjile

Bei hiyo ya msimu imekubaliwa na wakulima wa korosho wa Halmashauri za Newala na Tandahimba mkoani Mtwara kwa msimu huu, ambapo kwa mauzo ya tani hizo 26,000 katika mnada huo wa kwanza na wa kitaifa uliyofanyika Halmashauri ya Wilaya ya Tandahimba chini ya Chama Kikuu cha Ushirika cha Tandahimba Newala (TANECU), wakulima wataanza 'kunukia noti' wakitarajiwa kuingiza kati ya Sh 66,300,000 na Sh91,520,000 kutegemea bei zilivyouzwa korosho hizo.

Zaidi ya tani 18,000 zilizouzwa kwenye mnada huo zimetoka Wilaya ya Tandahimba huku tani 8,000 zikitoka Wilaya ya Newala.

Kwa mujibu wa TANECO  kampuni 28 kati ya 62 zilizojisajili kwa ununuzi wa korosho msimu huu wa mauzo wa mwaka 2025/2026 zimeshiriki katika ununuzi wa korosho kwenye mnada huo wa kwanza.

Mkuu wa Wilaya ya Tandahimba,Kanali Michael Mntenjele aliyehudhuria kwenye mnada huo, na kuzungumza kwa niaba ya Mkuu wa Mkoa wa Mtwara amewataka wakulima wa korosho mkoani humo kulinda ubora wa zao hilo ili ziendelee kukidhi kiwango cha ubora katika soko na kujipatia tija zaidi, pia kulinda heshima ya taifa kimataifa.

Kanali Mntenjele amesema lengo la hatua hiyo ni kuhakikisha wakulima wanakuwa na korosho zenye ubora, kuvutia soko na kuwavutia zaidi wanunuzi kutoka katika mataifa mbalimbali.

Amesema Tanzania imeendelea kufanya vizuri kwa kuuza korosho zenye ubora wa hali ya juu na bei shindani kwa wastani wa kimataifa, ikilinganishwa na nchi zinazozalisha korosho ikiwemo Msumbiji, Brazil, Zambia na Kenya.

Huku akitoa rai kwa Vyama vya Msingi vya Ushirika (AMCOS) na waendesha maghala kuwa waaminifu na kuwa wazalendo kwa kuepuka kupokea korosho chafu,  Mkuu huyo wa wilaya, amesema ubora wa korosho za Tanzania, ladha nzuri ya korosho hizo na mfumo wa thabiti wa udhibiti ubora wa korosho zinazoingia sokoni, umefanya kuwa na soko la uhakika.

"Kwa kuendelea kulinda ubora,  tutaendelea kuvutia wanunuzi wengi wa ndani na nje ya nchi, tutaendelea kulinda hadhi na sifa ya korosho ya Tanzania duniani,"amehitimisha Mntenjele .

Kwa upande wake Mwenyekiti wa Bodi ya Korosho Tanzania (CBT) Brigedia Jenerali Mstaafu Aloyce Mwanjile amesema korosho zenye ubora umhakikishia faida mkulima pia ni kulinda heshima ya taifa.

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma