Historia yaandikwa: Dk. Mwigulu achukua mikoba ya Uwaziri Mkuu

-

 -Watumishi wa Umma kwenda kwa gia ya kupanda mlima

-Aahidi usawa kwa watanzania wote

-Akumbuka umasikini alioishi, kubeba zege

Mwandishi Wetu, daimatznews@gmail.com

Alhamisi ya Novemba 13,2025 itabaki kuwa ya kukumbukwa kwa Dk. Mwigulu Nchemba na Bunge la Tanzania baada ya Rais Samia Suluhu Hassan kuwasilisha bungeni jina la mbunge huyo wa Iramba Magharibi, Mkoa wa Singida, akimteua kuwa Waziri Mkuu atakayeongoza shughuli za Serikali Bungeni.

Waziri Mkuu Mteule, Dk.Mwigulu Nchemba

Uteuzi huo wa Rais Samia ni hatua moja mbele katika kuunda Serikali yake, baada ya uteuzi wa kwanza wa Mwanasheria Mkuu wa Serikali, Hamza Johari.

Takriban dakika tano tangu kuanza kwa kikao cha Bunge cha leo, ambapo  saa 3:06 mpambe wa Rais aliruhusiwa kuingia bungeni na kuiwasilisha kwa Spika wa Bunge, Mussa Zungu, bahasha kutoka kwa Rais iliyokuwa na jina pendekezwa la Waziri Mkuu, ilipofunguliwa lilisomwa jina la Nchemba mbele ya wabunge ambao baadaye watamthibitisha kwa kura 369 kati ya 371, kura 2 zikiharibika.

Waziri Mkuu Mteule, Dk. Mwigulu Nchemba anatarajiwa kuapishwa kesho saa4 asubuhi Ikulu, Chamwino Dodoma akichukua nafasi iliyoachwa wazi na Kassim Majaliwa.

Majaliwa ametumikia nafasi hiyo kwa miaka kumi mfululizo, kuanzia mwaka 2015 hadi 2025.

Akitoa salam za shukrani kwa Bunge baada ya kuthibitishwa, Waziri Mkuu huyo Mteule, amemshukuru Rais Samia kwa kumteua kushika wadhifa huo na Bunge kwa kuonesha imani naye kwa kumthibitisha, huku akiahidi kufanya kazi kwa kutoa nafasi sawa kwa wabinge wa pande zote za walio wengi na walio wachache.

Kuhusu uongozi wake kwa nafasi ya Waziri Mkuu, mteule huyo ameahidi kila mtanzania kupata nafasi sawa katika utoaji huduma, akitilia mkazo uwajibikaji kwa watumishi wa umma na kufanya kazi kwa weledi.

Amesema licha ya utajiri wa taifa, bado asilimia 8% ya Watanzania wanaishi katika umaskini wa kupindukia na asilimia 26% wanaishi kwa mlo mmoja.

Wazir Mkuu Mteule amesema hana taarifa hizo kwa kuzisoma tu kwenye vitabu, bali kwa kuzishuhudia mwenyewe kupitia maisha aliyokulia kijijini kwa takribani miaka 32.

“Mimi umaskini wa Watanzania sijausoma kwenye vitabu, nimeuishi. Mheshimiwa Spika, katika miaka takribani 32, nimepitia maisha ya umaskini, maisha ambayo nilikuwa najifunika nguo aliyokuwa anajifunga shemeji yangu,” amekumbuka Dk. Nchemba akisimulia.

Ameeleza kuwa ilimbidi asubiri shimeji yake huyo amalize kazi zake usiku, ndipo yeye aipate na kujifunika, lakini pia adamke asubuhi, ili awahi kuirudisha ili shimeji yake ajifunge akafanye kazi zake.

Amesimulia kuwa katika maisha yake baada ya kuhitimu masomo yake, alifanya kazi ya kubeba zege, huku mkewe akiwa mama ntilie katika eneo hilo alipobeba zege, hivyo anafahamu ugumu wa maisha hayo. 

Waziri Mkuu Mteule huyo amebainisha kuwa safari iliyo mbele yake katika Uwaziri Mkuu inahitaji nguvu ya ziada akisema;“Watumishi wa Umma na Watanzania wote, lazima twende kwa gia ya kupandia mlima; lazima twende kwa gia ya kupita bahari yenye mawimbi na anga lenye mawingu ili chombo kifike salama.”

Ametahadharisha akisema: “Wote walio wavivu, wazembe, wala rushwa na wenye lugha mbaya kwa Watanzania tuwe tayari, nitakuja na fyekeo na rato. Maono ya Mheshimiwa Rais lazima yatekelezwe.”

Katika hatua nyingine, Dk. Nchemba, amepokelewa na watumishi wa Ofisi ya Waziri Mkuu, kwenye makazi ya Waziri mkuu, Mlimwa jijini Dodoma leo Novemba 13, 2025 baada ya kuthibitishwa na Bunge.


 

 

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma