Ni mapema mno kusahau mbunge wako aliyebwagwa CCM

-

 -CCM yawaambia wasikate tamaa, nafasi bado zipo nyingi

 Mwandishi Wetu, daimatznews@gmail.com

Baada ya Chama Cha Mapinduzi (CCM), kutangaza majina ya wanachama wake waliopita katika mchujo, hatua za awali kwenda kwenye kura za maoni majimboni, ukiacha tabasamu kwa waliopitishwa na kilio kwa ambao hawakuteuliwa, sasa ni wazi chama hicho tawala kimewabwaga baadhi ya wanachama wake waliokuwa wabunge kwenye Bunge linalomaliza muda wake, wakiwamo wabunge maarufu.

Hakika ni mapema mno kusahau mbunge wako aliyetia nia kuwania tena ubunge jina lake likakatwa, lakini ndivyo ilivyo kwani Julai 29,2025 Katibu wa Itikadi, Uenezi na Mafunzo wa CCM, CPA Amos Makalla ametangaza majina  ya watakaopigiwa kura ili kupata wagombea ubunge wa majimbo 272,bil kuwepo majina ya wabunge takriban 27 wanaomaliza kipindi cha kuwa madarakani.

Makalla ametaja wateule hao kutoka watia nia takriban 5,000 waliotia nia kuwania kuteuliwa na chama hicho tawala kuwania ubunge katika Uchaguzi Mkuu wa Oktoba 29 mwaka huu 2025, bila kuwemo majina 27 ya wabunge wake wanaomaliza muda wa ubunge, licha ya kuomba kuteuliwa kuwania tena ubunge.

Makalla amesema: "Uteuzi umefanywa kwa kuzingatia sifa, uwezo wa mgombea na mahitaji ya kisiasa ya majimbo husika."

 Amesema uteuzi wa wagombea hao umefanywa na Kamati Kuu ya Halmashauri Kuu ya Taifa ya CCM kwa nafasi za ubunge wa majimbo, viti maalum na ujumbe wa Baraza la Wawakilishi Zanzibar.

Hata hivyo, chama hicho kimewasihi wanaCCM ambao majina yao hayakupitishwa kutokata tamaa bali waendelee kuiunga mkono CCM, kikieleza kuwa nafasi za kukitumikia bado ni nyingi.

Lakini, miongoni wa watia nia zaidi ya 5,000 CCM imepitisha jina moja hadi wanane katika kila jimbo kati ya majimbo 272 ambapo kwa hesabu ya haraka ya kila jimbo wamepitishwa wagombea wanane, waliopitishwa ni takriban watia nia 2176 huku wengine 2,824 wakiachwa, miongoni mwao ni wagombea 27 ambao ni wabunge maarufu wa Bunge linalomaliza muda wake.

Wabunge hao 27 walioachwa ni pamoja na Mrisho Mashaka Gambo wa Jimbo la Arusha Mjini,  Emanuel Ole Shangai (Ngorongoro), Mohamed Lujuo Moni (Chemba), Nicodemus Maganga (Mbogwe) na Justine Nyamoga wa Kilolo.

Yumo pia January Makamba wa Jimbo la Bumbuli mkoani Tanga, Stephen Byabato(Bukoba Mjini), George Ndaisaba Ruhoro (Ngara), Zuberi Mohammed Kuchauka (Liwale) na Pauline Gekul(Babati Mjini).

Wamo pia Christopher Ole Sendeka (Simanjiro), Flatey Maasai (Mbulu Vijijin) na Vedastus Matayo Manyinyi (Musoma Mjini).

CCM pia imemwacha Mbunge wa Kisesa Luhaga Mpina, Godwin Kunambi (Mlimba) Geoffrey Mwambe (Masasi) na Cecil Mwambe (Ndanda)

Waziri wa zamani wa Ardhi, Nyumba na Maendeleo ya Makazi, Anjelina Mabula kutoka Jimbo la Ilemela mkoani Mwanza, pia jina lake halikuteuliwa, akiwamo pia  Mansour Shanif Hirani : (Kwimba) Hassan Zidadu Kungu (Tunduru Kaskazini) na Iddi Mpakate wa unduru Kusini.

Katika orodha ya wabunge ambao majina yao hayakuteuliwa kupigiwa kura za maoni yumo pia Iddi Kassim Iddi wa Jimbo la Msalala, George Mwenisongole (Mbozi) na Seif Hamisi Gulamali(Manonga).

Imewajumuisha pia  Omar Shekilindi wa Jimbo la Lushoto, Alfred Kimea (Korogwe Mjini), Twaha Mpembenwe (Kibiti) na Turky wa Jimbo la Mpendae Zanzibar. 

Mbali na hatua hiyo ya CCM kuwaacha wabunge wake hao, swali linabaki kuwa hatua hiyo ambayo bila shaka inaumiza wagombea hao na wengine waliokatwa, nini kitafuata baada ya kutafakari uamuzi huo wa chama chao.

Hata hivyo, uzoefu unaonyesha kwamba baada ya tukio hilo, baadhi ya wanasiasa hukimbilia vyama vingine kutafuta nafasi ya kuteuliwa na kuwania viti vya ubunge kupitia vyama vya upinzani na kugeuza kipindi hiki kuwa cha mavuno kwa vyama vya siasa vya upinzani.


Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma