Wafanyakazi wa majumbani wamwangukia Rais Samia -

-Wamwomba aridhie Mkataba wa ILO kuwaokoa taabuni

Mwandishi Wetu, daimatznews@gmail.com

Serikali ya Rais Samia Suluhu Hassa, imeombwa kukamilisha mchakato wa kuridhia Mkataba wa Kimataifa wa Kazi wa Shirika la Kazi Duniani (ILO) namba 189 na kupitisha ili kuwezesha haki za msingi za wafanyakazi wa majumbani.

Rais Samia Suluhu Hassan

Ombi hilo limetolewa na wafanyakazi wa majumbani, wakieleza kuwa mkataba huo wa kazi zenye staha utawasaidia kupata haki na kuheshimiwa kama wafanyakazi wa sekta nyingine.

Wametoa ombi hilo walipokuwa wakizungumza katika Kikao Kazi kilichowakutanisha kwa siku mbili mjini Morogoro, ambapo wamepata Mafunzo ya Utatuzi wa Migogoro ya Wafanyakazi wa Majumbani.

Mwenyekiti wa Wafanyakazi wa Majumbani Tanzania, Zanini Athuman anasema mkataba huo wa ILO unaweka wazi stahiki halali kwa wafanyakazi wa majumbani, ikiwemo kupewa mapumziko ya kutosha, kuishi katika mazingira ya heshima (hasa kwa wanaoishi kwa waajiri).

“Pamoja na uwepo wa sheria mbalimbali hapa nchini zinazolitambua kundi hilo, bado kuna ugumu katika utekelezaji wake, kutokana na sheria kutoruhusu nyumba ya mtu binafsi kuwa ofisi ya kazi. Mwarobaini pekee unaotazamiwa ni kuridhiwa kwa mkataba huo,” amesema Zanini.

Kwa upande wake, Katibu Mkuu Chama cha Wafanyakazi wa Majumbani, Hifadhini, Mahotelini, Huduma za Kijamii na Ushauri (CHODAWU) Said Wamba, amewahimiza wafanyakazi wa majumbani kujiunga katika vyama mbalimbali vya wafanyakazi, ili kuwa na sauti ya pamoja ya kupambania haki na stahiki zao.

“Tunajaribu kuwainua hawa wafanyakazi wa majumbani, wapo chini mno, hili si jambo la CHODAWU pekee, bali jamii nzima ya Watanzania ina jukumu la kufanya kuwaokoa kwa sababu wanafanya kazi kubwa na muhimu kwa waajiri wao na taifa kwa ujumla, lakini hawapati matunda ya jasho lao,”amesema Wamba.

Shirika la Kazi Duniani (ILO) limewakutanisha kwa pamoja mkoani Morogoro Tume ya Usuruhishi na Uamuzi (CMA) Taasisi ya Serikali inayohusika na utatuzi wa migogoro ya kazi Tanzania Bara pamoja na wawakilishi wa wafanyakazi wa majumbani katika kikao kazi cha siku mbili, lengo likiwa kutafuta mwarobaini wa pamoja wa kukabiliana na changamoto zinazolikumba kundi hilo muhimu katika jamii na Taifa kwa ujumla.

 

Mmoja wa washiriki wa mafunzo hayo, Desdelia Saimon, amesema kuchelewa kwa mchakato wa kuridhia mkataba huo kunawafanya waendelee kufanya kazi katika mazingira hatarishi, ikiwemo ukosefu wa haki ya faragha na maisha binafsi pamoja na kinga ya kisheria ya kutosha.

Naye Nasra Seleman kutoka Dar es Salaam amesema; “Endapo Serikali itaridhia mkataba huo, utatufungulia mambo mengi kwa sababu, mkataba huo unatuhusu moja kwa moja sisi wafanyakazi wa majumbani. Tunamuomba Rais Samia Suluhu Hassan aridhie mkataba huo ili na sisi tutendewe haki kama wafanyakazi wengine.”

Awali, akizungumza katika ufunguzi wa kikao hicho, Mratibu wa Mradi wa Kuboresha Utambuzi na Mazingira ya Kazi kwa Wafanyakazi wa Majumbani kutoka ILO, Chiku Semfuko amesema kwamba mafunzo hayo yatawawezesha wafanyakazi wa majumbani kutambua mahali sahihi panapofaa kupeleka migogoro yao na kupata utatuzi.

Naye Mkurugenzi na Mtendaji Mkuu CMA Tanzania Bara, Usekelege Mpulla, amesema tayari mwongozo maalumu wa utatuzi wa migogoro ya wafanyakazi kwa ajili ya wafanyakazi wa majumbani pekee umeshaandaliwa, lengo likiwa kutafsiri utatuzi wa migogro pamoja na kutekeleza matakwa ya kisheria pamoja na mkataba wa ILO namba 189.

“Tumejipanga kuhakikisha haki za wafanyakazi wa majumbani zinatolewa kwa wakati na mafunzo haya yatakapokamilika, tunaamini wasuluhishi wanaohusika na migogoro watapata uwezo wa kumaliza migogoro kwa haraka,” amesema Mpulla.

 

Awali, Kamishna Msaidizi Idara ya Kazi, Ofisi ya Waziri Mkuu, kazi, Vijana, Ajira na Wenye Ulemavu, Rehema Moyo aliyekuwa mgeni rasmi kwenye mafunzo hayo amesisitiza CMA kuhakikisha wanatoa kipaumbele kushughulikia migogoro ya wafanyakazi wa majumbani kutokana na ugumu wa mazingira ya kazi wanayopitia kupata stahiki zao.

“Ni muhimu pia hata wafanyakazi wenywe wa majumbani wajue haki zao. Pamoja na kuwa vyombo vya kisheria  vipo, lakini lazima wapewe elimu wa kutambua wapi waende kupata utatuzi wa migogoro yao,” amesema.

 

Baadhi ya wafanyakazi majumbani waliohudhuria mafunzo hayo walieleza umuhimu wa Serikali kuridhia na kuupitisha Mkataba Namba 189 wa ILO.

 

Summary: Kuridhiwa kwa mkataba namba189 wa Shirika la Kazi Duniani (ILO) ni hatua muhimu ya kuwapa wafanyakazi wa majumbani hadhi, heshima na ulinzi wanaostahili katika mazingira yao ya kazi. ucheleweshaji wa mchakato huo huendelea kuwafanya wafanyakaizi wa majumbani kufanya kazi katika mazingira hatarishi huku wakikosa mikataba rasmi, mapumziko, haki ya faragha na kinga ya kisheria

 

Mwisho.

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma