NHC yakutanisha historia, maendeleo kuipaisha Tabora

-

-      Sh. 4 bilioni zaleta Tabora Business Complex

-   Alama mpya kuvutia uwekezaji

-    -   Yawekeza makazi, biashara, wateja wapigana vikumbo

Mwandishi Wetu, daimatznews@gmail.com

Katika juhudi za kuendeleza makazi bora kwa Watanzania, Shirika la Nyumba la Taifa (NHC), limeanza kutekeleza mradi mkubwa wa jengo la kisasa la biashara na makazi katikati ya mji wa kihistoria wa Tabora.

Mwonekano wa Jengo la Tabora Commercial Complex litakapokamilika

Mkoa wa Tabora, jina linalotajwa kutokana na neno 'Matobolwa' ambalo ni viazi vitamu vilivyokaushwa, ambalo wakoloni walishindwa kulitamka na kutamka Tabora, ni mmoja wa mikoa 31 ya Tanzania,  ukijivunia kuwa na eneo kubwa zaidi kitaifa.

Una eneo la takriban kilomita za mraba 76,151. Kati ya eneo hilo, asilimia 46 ni hifadhi ya misitu (km² 34,698) huku asilimia 22 (km² 17,122) ikiwa ni hifadhi ya wanyamapori.

Tabora inapakana na Mkoa wa Shinyanga upande wa kaskazini, Singida mashariki, Mbeya na Songwe kusini, na Katavi, Kigoma pamoja na Geita upande wa magharibi.

Kwa mujibu wa Sensa ya Watu na Makazi ya mwaka 2022, mkoa huu ulikuwa na wakazi 3,391,679 wanaoishi katika wilaya nane: Tabora Mjini (308,741), Nzega Vijijini (574,498), Nzega Mjini (125,193), Igunga (546,204), Uyui (562,588), Urambo (260,322), Sikonge (335,686) na Kaliua (678,447). Wakazi wengi wa Tabora ni jamii ya Wanyamwezi, wakijishughulisha zaidi na kilimo na ufugaji.

Mkoa wa Tabora una historia ndefu, ukijulikana kwa watawala wa jadi kama Mtemi Milambo, ambaye jina lake bado linaishi kupitia shule, mitaa na taasisi mbalimbali. Aidha, Tabora imekuwa na mchango mkubwa katika harakati za kupigania uhuru wa Tanganyika na pia kwenye siasa za vyama vingi nchini.

Hata hivyo, pamoja na umaarufu na ukubwa wake, mkoa huu haukuwa na jengo la kisasa la biashara linaloendana na hadhi yake. Lakini sasa ni kama NHC inahuisha utemi wa Milambo. Inafanya hivyo, kwa kuiondoa Tabora katika unyonge wa kukosa jengo la kisasa linaoendana na historia na hadhi ya mkoa huo baada kuanzisha mradi wa Tabora Commercial Complex, ambalo ni la kwanza la aina yake mkoani humo.

Mradi huu unatekelezwa kwa gharama ya Shilingi bilioni 4 na unatarajiwa kukamilika mwaka ujao ifikapo Aprili 2026. Tayari ujenzi umeanza mwezi Mei mwaka huu na wananchi wa kada mbalimbali wameanza kunufaika kiuchumi, huku maombi ya nafasi za biashara na makazi yakiwa yamefurika.

Meneja wa NHC Mkoa wa Tabora, Eminick Sanga, amesema:

“Hadi sasa tumezipokea zaidi ya maombi 200 kutoka kwa watu wanaotaka kupangisha sehemu za biashara, ofisi na makazi. Mwitikio ni mkubwa sana na tunaamini jengo hili litaleta mageuzi makubwa mkoani Tabora."

Ameongeza kuwa mradi huo si tu utaongeza makusanyo ya kodi za serikali, bali pia umefungua fursa za ajira kwa wananchi na wafanyabiashara wa vifaa vya ujenzi.

“Wananchi wamepata ajira kwenye ujenzi, akina mama ntilie wanaingiza kipato kwa kuuza chakula kwa mafundi, na hata kabla ya kukamilika, tayari tunaanza kupokea wapangaji,” amesema Sanga.

Mkazi wa Tabora, Regina Mikongo, amesema:“Jengo hili litavutia wawekezaji na wageni kutoka nje ya mkoa wetu. Linaongeza hadhi ya mji wetu na kufungua fursa mpya za kiuchumi.”

Kwa upande wake, Mhandisi wa Mradi huo, Remigius Chrisostoms, amesema kuwa jengo hilo la ghorofa nne litawezesha uwepo wa zaidi ya maduka 50, migahawa, benki, ofisi na makazi.

“Ghorofa ya kwanza itakuwa kwa ajili ya ofisi, huku ghorofa ya pili hadi ya nne zikiwa ni za makazi. Ujenzi ulianza Mei 2025 na utakamilika Aprili 2026,” amesema.

Mkazi mwingine wa Tabora, Sebedia Jonas, amesema: “Mradi huu ni wa kipekee. NHC imetuletea maendeleo halisi. Ni matumaini yangu kuwa mradi huu utaibadilisha Tabora kuwa jiji kamili.”

Mradi wa Tabora Commercial Complex ni zaidi ya jengo – ni dira mpya ya maendeleo kwa Mkoa wa Tabora. Kupitia uwekezaji huu wa kimkakati, NHC imethibitisha dhamira yake ya kusaidia maendeleo ya kijamii na kiuchumi ya Watanzania katika kila kona ya nchi.


 

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma