Polisi yawaonjesha 'shubiri' madereva walevi mwaka mpya 2025

  -Yawafungia leseni miezi 6

 - 30 wakamatwa Krismasi na Mwaka Mpya Dar, wengine 2 wahukumiwa jela maisha


Na Hussein Ndubikile, daimatnews@gmail.com
Jeshi la Polisi Kanda Maalum ya Dar es Salaam limewafungia leseni za udereva kwa kipindi cha miezi sita, madereva waliokamatwa  wakiendesha magari huku wakiwa na kiwango kikubwa cha ulevi kipindi cha Sikukuu za Krismasi na Mwaka Mpya.
Kamanda wa Polisi Kanda Maalum ya Dar es Salaam SACP Muliro Jumanne Muliro (Pichani juu),amebainisha hayo Januari 3,2 025 alipozungumza na wanahabari jijini humo, ambapo ameeleza hatua hiyo ni kwa mujibu wa kifungu 28 (3) (b) cha Sheria ya Usalama Barabarani Sura 168 iliyofanyiwa marekebisho Mwaka 2002.

"Jeshi la Polisi Kanda Maalum ya Dar es Salaam limeuanza Mwaka 2025 vizuri na sherehe za Krismasi na Mwaka Mpya zilikuwa za amani na utulivu. Hata hivyo usimamizi wa Sheria na kanuni mbalimbali zikiwemo za usalama barabarani zilisimamiwa kikamilifu ili kudhibiti ajali za barabarani," amesema SACP Muliro na kuongeza;

"Katika kipindi hicho cha sikukuu, makosa hatarishi ambayo yangesababisha ajali yalidhibitiwa na hatua kuchukiliwa kwa wahusika. Jumla ya madereva 179 walituhumiwa na kupimwa ulevi, kati yao madereva 30 walikutwa na ulevi wa kiwango cha zaidi ya milligramu 80,"

Muliro amesema kati yao madereva 22 walitokea Wilaya ya Kinondoni, sita (6) Wilaya ya Ilala na madereva wawili (2) Wilaya ya Temeke.

Katika hatua nyingine SACP Muliro ameeleza kuwa katika kipindi cha Novemba hadi Desemba 2024, Jeshi hilo lilifanikiwa kupata matokeo mahakamani ya watuhumiwa mbalimbali.

Ametaja miongoni mwao kuwa ni Sadick Foreni (30) mkazi wa Mbagala ambaye Mahakama ya Wilaya ya Temeke ilimuhukumu kifungo cha maisha jela kwa kosa la kulawiti.

Mahakama hiyo pia ilimuhukumu Joseph Ferdinand (35) mkazi wa Mbagala Kibonde Maji kifungo cha maisha jela kwa kosa la kulawiti.

SACP Muliro amebainisha kuwa naye Ayub Hatibu (32) mkazi wa Tabata alihukumiwa na Mahakama ya Wilaya ya Kinyerezi  kwenda jela miaka 30 kwa kosa la kubaka, huku Salmin Athuman (30) makazi wa Kitunda akihukumiwa kifungo cha miaka 30 jela kwa kosa la unyang'anyi wa kutumia silaha.

Ameongeza kuwa Henry Peter (36) mkazi wa Mbezi wa Dar es Salaam alhukumiwa na Mahakama ya Wilaya ya Ubungo kwenda jela miaka 30 kwa kosa la kubaka, huku Ramadhan Amir (30) mkazi wa Kawe akihukumiwa kifungo cha miaka 30 jela na Mahakama ya Hakimu Mkazi Kinondoni baada ya kutiwa hatiani kwa kosa la unyang'anyi wa kutumia silaha.

Kwa mujibu wa Kamanda Muliro jumla ya watuhumiwa 250 walikamatwa kwa kuhusika na kuuza, kusafirisha na kutumia Dawa za Kulevya.

Maoni

Chapisha Maoni

Machapisho maarufu kutoka blogu hii

Kapteni Traole afuata huduma za afya nchini

Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma

Moshi mweusi watokea Vatican, moshi mweupe wasubiriwa kwa hamu

Picha
 -Makardinali wajifungia kwa siku ya pili Mwaandishi Wetu, daimatznews@gmail.com Vatican City, Siku ya kwanza ya uchaguzi wa Kiongozi mpya wa Kanisa Katoliki (Baba Mtakatifu),imepita bila kupatikana Papa, baada ya mosi mweusi kutokea kwenye dohani ya kanisa dogo la Sistine kwenye picha ya mjongeo chini, mjini Vatican kuashiria kwamba siku ya kwanza imekwisha, lakini Papa hajapatikana.  Ukitokea moshi mweupe, ni ishara kwamba Papa amepatikana, hivyo waumini hushangilia.. Kwa siku ya pili leo kuanzia jana Mei 7,2025, makardinali 133 wa Kanisa Katoliki duniani jana Mei 7, 2025 walianza mchakato wa kupiga kura kumtafuta Papa mpya. Papa huyo mpya atakuwa mrithi wa nafasi hiyo ya kuliongoza Kanisa Katoliki, baada ya kifo cha mtangulizi wake, Papa Francis kilichotokea mjini Vatican Aprili 21,2025. Mkutano huo maarufu kwa jina la Conclave unafanyika katika Kanisa dogo la Makardinali wakiingia kanisani kwa ibada  Sistine Chapel, Vatican City, makao makuu ya kanisa hilo, ambapo ma...
Endelea kusoma