SERIKALI YAKAZIA MACHO UJENZI BARABARA ZA HARAKA KWA MPANGO WA PPP

-

-Waziri Mkuu awaongoza mawaziri, PPP Center kusonga mbele

Mwandishi Wetu, daimatznews@gmail.com

Serikali imeongeza kasi ya kutafuta suluhu ya msongamano wa magari katika barabara kuu kwa kukazia macho ujenzi wa Barabara za Haraka kwa mpango wa ubia, hatua itakayoongeza kasi ya huduma za usafiri na usafirishaji hivyo kuchochea ukuaji wa uchumi wa taifa.

Waziri Mkuu, Dk. Mwigulu Nchemba akiongoza kikao cha kazi kuhusu ujenzi wa miradi  ya Barabara za Haraka (Express Ways), kupitia mfumo wa Ubia Kati ya Umma na Sekta Binafsi nchini (PPP) mjini Dodoma Januari 17,2026.

Katika kusukuma mbele ajenda hiyo, Waziri Mkuu, Dk. Mwigulu Nchemba ameongoza kikao cha kazi kuhusu ujenzi wa miradi hiyo ya Barabara haraka (Express Ways), kupitia mfumo wa Ubia Kati ya Umma na Sekta Binafsi nchini (PPP).

Kikao hicho kilichofanyika Januari 17, 2026 kwenye ukumbi wa mikutano wa Ofisi ya Waziri Mkuu, kimewajumuisha pia Waziri wa Nchi Ofisi ya Waziri Mkuu Sera, Bunge, Uratibu na Wenye Ulemavu, William Lukuvi, Waziri wa Ujenzi, Abdallah Ulega, Naibu Waziri wa Uchukuzi, David Kihenzile.

Wengine ni Naibu Katibu Mkuu Ofisi ya Waziri Mkuu, Sera, Bunge, Uratibu na Wenye Ulemavu, Dk. James Kilabuko, Katibu Mkuu Wizara ya Uchukuzi, Profesa Godius Kahyarara pamoja na watendaji wa Kituo cha Ubia kati ya Sekta ya Umma na Binafsi (PPPC), wakiongozwa na Mkurugenzi Mtendaji wake, David Kafulila.

Kikao hicho kimefanyika wakati tayari Kituo cha Ubia Kati ya Umma na Sekta Binafsi (PPPC), kimeshatangaza zabuni za baadhi ya miradi ya barabara hizo inayosimamiwa na Wakala wa Barabara nchini, TANROADS, zikiwa katika hatua mbalimbali. Baadhi ya Barabara za Haraka ambazo zabuni zake zimetangazwa ni pamoja na Barabara ya Kasi (Expressway) ya Kibaha – Mlandizi – Chalinze (Lot 1) yenye urefu wa km 78.9

Kwa mujibu wa Mtandao Rasmi wa PPPC, mradi uko katika hatua ya manunuzi (Procurement). Katika maelezo kuhusu mradi huo, PPPC imesema kuwa Barabara ya Kibaha–Morogoro kwa sasa inakabiliwa na msongamano mkubwa wa magari na huduma duni, hali inayohitaji hatua za haraka kutokana na kuongezeka kwa shughuli za kiuchumi.

Imeeleza kwamba Barabara ya Kasi (expressway) inapendekezwa ili kupunguza muda wa safari kutoka Kibaha hadi Chalinze kutoka saa 2 hadi saa 1. 

"Mradi utatekelezwa kupitia mpangilio wa Ubia kati ya Sekta ya Umma na Sekta Binafsi (PPP), ambapo watumiaji wa barabara watatozwa ada ya matumizi (tozo). Barabara ya kasi ya kulipia itajengwa sambamba na barabara ya sasa ya Morogoro, hivyo watumiaji wasiotaka kulipa wataendelea kutumia barabara iliyopo," imeeleza PPPC.

Kwa mujibu wa Mtandao huo, utekelezaji wa ujenzi wa Barabara ya Kasi ya Chalinze – Morogoro (Lot 2), uko katika hatua ya utafiti wa upembuzi yakinifu (feasibility study), ambapo mradi husika unahusisha ujenzi wa kipande cha kilomita 128 cha barabara ya kisasa ya kasi kubwa kinachounganisha Chalinze na Morogoro. 


Mradi huo umetajwa kuwa  ni sehemu ya mpango mpana wa kuendeleza korido ya barabara yenye uwezo mkubwa ili kuboresha ufanisi wa usafiri, kuongeza usalama na kuchochea ukuaji wa uchumi nchini Tanzania. 

Mtandao huo wa PPPC umeeleza kuwa barabara ya kasi imebuniwa kupunguza muda wa safari, kupunguza msongamano kwenye barabara zilizopo na kutoa njia ya moja kwa moja na ya kuaminika kwa usafirishaji wa bidhaa na watu kati ya ukanda wa pwani na maeneo ya ndani ya nchi.

Kituo hichi cha Ubia kati ya Umma na Sekta Binafsi kimeutaja mradi wa tatu wa Barabara za Haraka kuwa ni Korido ya Dar es Salaam iliyoelezewa kuwa  ni njia muhimu kwa kurahisisha shughuli za uingizaji na usafirishaji wa bidhaa nje ya nchi, na kuchangia ukuaji wa Pato la Taifa (GDP) la nchi jirani zisizo na bandari. 

Korido hiyo inaanzia Bandari ya Dar es Salaam. Barabara ya mzunguko (Bypass) ya Uyole–Songwe inalenga kupunguza msongamano wa magari katika Jiji la Mbeya unaosababishwa na magari mazito ya mizigo, hali inayosababisha muda mrefu wa safari, gharama kubwa za uendeshaji wa magari, na kuongezeka kwa ajali.

PPPC imeeleza kuwa mradi huo utanufaisha mikoa ya Morogoro, Iringa na Mbeya kwa kutoa njia yenye ufanisi zaidi kuelekea Zambia, Jamhuri ya Kidemokrasia ya Kongo (DRC), na Malawi.

 

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma