Rais Samia afuta sherehe 9 Desemba

-

-Aagiza fedha zitumike kujenga miundombinu

-  Waziri Mkuu aagiza shughuli zirejee ndani ya siku 10

Mwandishi Wetu, daimatznews@gmail.com 

Rais Dk. Samia Suluhu Hassan ameelekeza hakutakuwa na maadhimisho ya Sherehe za Uhuru Desemba 09 mwaka huu.

Maelekezo hayo ya Rais Samia, yametolewa kwa niaba yake na Waziri Mkuu, Dk.Mwigulu Nchemba leo Novemba 24,2025 ambaye amesema Rais ameagiza fedha  zilizotengwa ili kutumika katika sherehe hizo, zitumike kurekebisha miundombinu iliyoharibika kutokana vurugu zilizotokea Oktoba 29, 2025 wakati wa Uchaguzi Mkuu.

Waziri Mkuu alikuwa katika ziara ya kukagua miundombinu ya umma pamoja na mali zilizoathiriwa na vurugu iliyotokea Oktoba 29, 2025.

Amesema Rais Dk. Samia Suluhu Hassan ana dhamira ya dhati ya kuiona Tanzania inakuwa moja na kuendeleza umoja wa Watanzania

Akizungumzia ziara yake Dk.Mwigulu amesema: "Nimepitia na kukagua uharibifu wa mali na miundombinu ya umma, huwezi kuamini kama tukio hili limetokea Tanzania."

Amesema Watanzania wanapaswa kujua miundombinu hiyo ni mali ya umma.

"Tunaijenga kwa fedha zetu sisi watanzania, si pesa za Serikali," amesema.

Waziri Mkuu ametoa maagizo kwa Wizara ya Ujenzi, TANROADS, DART, UDART, OWM-TAMISEMI na wadau wengine kuhakikisha ndani ya siku 10 kuhakikisha shughuli katika jiji la Dar es Salaam kanarejea kama kawaida.

"Wekeni mpango wa haraka wa kurejesha, wakati tunasubiri mpango mkubwa, baada ya kukamilika kwa kazi hiyo, Watanzania tuilinde miundombinu hii, " ameagiza.

Kuhusu miradi, Waziri Mkuu pia ameagiza wizara na taasisi za Serikali kuwapa kandarasi wakandarasi wazawa kwani wana uwezo.

"Wapatieni kazi wakandarasi wazawa, wana uwezo, hata kazi wanazopewa wageni, wakandarasi wazawa ndio wanafanya hizi kazi," amesema.

Amesisitiza kwamba maeneo ambayo kazi inaweza kufanywa na mtanzania ifanywe na Mtanzania, hata maeneo ambayo biashara inaweza kufanywa na mtanzania ifanywe na mtanzania, akisema kuwa Tanzania ni ya Watanzania.

Waziri Mkuu Dk.Mwigulu ameagiza taasisi za umma na Serikali kuwatimua kazi watumishi wazembe na wala rushwa.

"Mfanyakazi yoyote mzembe na mlarushwa msimhamishe, mfukuzeni kazi, vijana wakitanzania ambao wanafanya kazi vizuri wako wengi," amesema.

Waziri Mkuu ameungana na Rais Dk. Samia Suluhu Hassan kutoa pole kwa wote walioathirika na vurugu zilizotokea Oktoba 29, 2025

Amesema: Tumuunge mkono Rais na wajumbe wa tume iliyoundwa kwa ajili kuchunguza kwenye undani tukio la vurugu zilizotokea Oktoba 29, 2025, ili tujue namna lilivyofanyika na hatua stahiki zitakazochukuliwa."

.Kwa mujibu wa Waziri Mkuu, wanaoshabikia uharibifu wa miundombinu ya umma hawapo hapa nchini, lakini wanawaambia vijana wa kitanzania  wakachome mali za umma.

"Mkifanya hivi mtaishije? HUko wanakoishi, haya wanayowaambia mfanye huko kwao hauwezi kuyafanya.

Amesema watu hao wanajipa haki kwamba wao wanaipenda Tanzania, lakini ukweli ni kwamba mpenda Tanzania hawezi kumwambia mtu aichome Tanzania.

"Miwasikilize, mkiichoma zaidi Tanzania wao ndio wanalipwa zaidi. Wanashawushi tuchome moto vitu, wanaturudisha kwenye umasikini," amesema Mwigulu.

Ametahadharisha kuwa nchi zote zenye rasilimali nyingi ndizo zinasababishiwa vurugu, akieleza kwamba Tanzania ni nchi yenye rasilimali adhimu ikiwemo gesi na madini na kwamba zitalindwa kwa nguvu zote.

"Watanzania amekeni hawa wanaotushawishi kufanya vurugu hawatupendi, nawaomba vijana wa Tanzania, Mungu ametupa nchi nzuri, tuilinde pamoja na miundombinu yake," amesisitiza Waziri Mkuu Dk.Mwigulu.

Aliwageukia viongozi wa dini akiwataka  kuwa makini ya namna watu wanavyotaka kuwagonganisha akawaambia: "Kaeni kwenye vikao vyenu, tuifanye Tanzania yetu iwe pamoja."


Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma