NHC na urithi wa Mwalimu Nyerere: Miaka 26 ya kuendeleza ndoto makazi bora kwa kila Mtanzania

-

- NHC chini ya Rais Dk. Samia imefufua falsafa ya utu ya Mwalimu Nyerere

- Miaka 26 tangu kifo cha Baba wa Taifa, NHC inaendelea kuwa nguzo ya heshima, maendeleo na utu kwa Watanzania wote

Mwandishi Wetu, daimatznews@gmail.com

Kila inapowadia tarehe 14 Oktoba, Watanzania hukusanyika kwa heshima na kumbukizi ya maisha na kazi za Baba wa Taifa, Mwalimu Julius Kambarage Nyerere.

Baba wa Taifa, Hayati Mwalimu Julius Nyerere
Ikumbukwe kuwa Mwalimu Nyerere alifariki dunia Oktoba 14, 1999 katika Hospitali ya St. Thomas Jijini London

Ni siku inayobeba hisia nzito, si tu kwa sababu aliongoza harakati za ukombozi, bali pia kwa sababu alisimamia maono ya kujenga taifa lenye utu, heshima na usawa.

Miongoni mwa mambo yaliyokuwa karibu sana na moyo wake ni suala la makazi bora aliamini kwamba mtu hawezi kuishi kwa heshima bila nyumba salama na yenye hadhi.

Kutokana na falsafa hiyo, mwaka 1962 Nyerere akiwa kiongozi wa Serikali ya Tanganyika (baadaye Tanzania) alianzisha Shirika la Nyumba la Taifa (NHC) kupitia Sheria ya Bunge Na. 45.

Mwalimu Nyerere akishiriki kuchimba msingi wa nyumba za NHC Magomeni  miaka ya 1963 wakati wa operesheni ondoa makuti.
Lengo lilikuwa wazi, kuhakikisha kila Mtanzania anapata makazi bora.

Nyerere alisisitiza kwamba taifa changa haliwezi kusimama imara kama wananchi wake wataendelea kuishi katika makazi duni.

Hivyo, NHC likawa sehemu ya urithi wake wa kijamii, chombo cha kuendeleza utu na mshikamano wa Watanzania

Mwalimu Nyerere akikagua ujenzi wa nyumba zilizojengwa na NHC eneo la Magomeni miaka ya 1963. Anayeambatana naye kushoto kwake ni Mkurugenzi Mkuu wa kwanza wa  NHC, Bwana Schmitt ambaye aliletwa na Serikali ya Ujerumani kwa maombi ya Mwalimu, ili kulijenga Shirika jipya la Nyumba la Taifa lilioanzishwa mwaka 1962, mwaka mmoja tu baada ya Uhuru wa Tanganyika 1961.
Miaka ikasonga, changamoto za kiuchumi na kisera zikajitokeza, lakini azma haikupotea. Kufikia miaka ya 1990, mageuzi makubwa yalifanyika, na NHC likapewa uwezo wa kujiendesha kibiashara huku likidumisha wajibu wake wa kijamii.

Mageuzi haya yakaliweka Shirika kwenye ramani kama taasisi thabiti, yenye uwezo wa kushirikiana na sekta binafsi na kutekeleza miradi mikubwa ya kitaifa.

Mwalimu Nyerere ( katikati) akikagua nyumba za magomeni zilizojengwa na NHC miaka ya 1963 wakati wa operesheni ondoa makuti.
Katika kipindi cha miaka minne ya uongozi wa Rais wa Jamhuri ya Muungano wa Tanzania, Dk. Samia Suluhu Hassan, NHC limepata mwanga mpya wa ufanisi na ubunifu.

Kupitia dira yake ya uwekezaji na ubia, miradi mikubwa ya nyumba imezinduliwa, ikiwemo Samia Housing Scheme inayolenga kujenga nyumba 5,000 kote nchini.

Tayari nyumba 560 za awamu ya kwanza Kawe zimekamilika na zote kuuzwa hata kabla ya ujenzi kukamilika, hii ni ishara ya uhitaji mkubwa na imani ya wananchi kwa NHC.


Sambamba na ujenzi wa nyumba za makazi na biashara, NHC chini ya Serikali inayoongozwa na Rais Samia (Pichani Juu), limekuwa mshauri na msimamizi wa miradi mbalimbali ya kitaifa.

Hii ni pamoja na ukarabati na ujenzi upya wa Soko la Kariakoo ambalo limeshakamilika, Jengo la Ofisi ya Wizara ya Fedha na Mipango kwa asilimia 95, Jengo la Makamu wa Rais – Mazingira kwa asilimia 90 na Soko la Madini la Tanzanite Mirerani kwa asilimia 100.

Katika uendelezaji wa sera ya ubia, NHC liliboresha sera yake mwaka 2022, likiunga mkono sera ya ufunguaji uwekezaji iliyoasisiwa na Rais Samia. Hadi sasa mikataba 21 yenye thamani ya Shilingi Bilioni 179 imesainiwa, na miradi kadhaa iko katika hatua mbalimbali.

Katika eneo la Kariakoo pekee, nyumba 172 zilizokuwa zimevunjwa zitatekelezwa upya na kuibua zaidi ya nyumba 2,100 za kisasa za makazi na biashara.

Shirika pia limeleta mageuzi makubwa katika ujenzi wa miradi ya kibiashara na ya kijamii. Mradi wa Morocco Square jijini Dar es Salaam ni mfano hai: asilimia 100 ya nyumba za makazi zimeuzwa, maduka yote yamepangishwa, na hoteli yenye vyumba 81 sasa inatoa huduma.

Miradi mingine kama Kawe 711, Kahama Plaza, Masasi Plaza na Mtanda Commercial Building mkoani Lindi uliokamilika kwa asilimia 93, na 2H Commercial Building mkoani Morogoro uliokamilika kwa asilimia 99 yakiakisi ubora wa usimamizi wa kisasa.

Kwa upande wa ukandarasi, NHC limepewa jukumu kubwa katika ujenzi wa miundombinu ya kitaifa, ikiwemo majengo ya Serikali katika Mji wa Serikali Mtumba, Shule ya Uchumi ya Chuo Kikuu cha Dar es Salaam, Hospitali ya Kanda ya Kusini – Mitengo, na Hospitali ya Kumbukumbu ya Mwalimu Nyerere – Musoma.

Matokeo ya kazi hii yote yanaonekana wazi: mapato ya Shirika yamepanda, mali zake zimeongezeka hadi kufikia zaidi ya trilioni 5, na wananchi wengi zaidi wanapata fursa ya kumiliki nyumba kupitia mikopo ya muda mrefu inayotolewa kwa kushirikiana na benki zaidi ya 22.

Miaka 26 tangu tumuage Mwalimu Nyerere, urithi wake bado unaishi kupitia NHC. Kila jengo jipya linaloinuka, kila familia inayopokea funguo za nyumba, na kila mji unaopata sura mpya ni ishara kwamba ndoto ya Baba wa Taifa inaendelea.

Kwa hakika, NHC si tu shirika la nyumba, bali ni sehemu hai ya historia, falsafa na ndoto ya kujenga taifa lenye utu, usawa na maendeleo endelevu.

 


x

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma