Ngome ya Jeshi la Ujerumani, JWTZ kivutio kipya cha utalii wa ndani Serengeti

-Watanzania waitwa kutalii

Na Exuperius Kachenje,daimatznews@gmail.com

Ngome ya Jeshi ya zamani y Jeshi la Ujerumani na Jeshi la Wananchi wa Tanzania, maarufu kwa Jina la Fort Ikoma iliyopo Hifadhi ya Taifa Serengeti, imetajwa kuwa eneo la kipekee linalovutia watalii ndani ya hifadhi hiyo na tasnia ya utalii nchini likiunganisha historia na asili, huku watanzania wakihimizwa kufanya utalii wa ndani ili kujifunza na kufurahia utajiri wa rasilimali za taifa.

Twiga wakijivinjari maeneo ya Fort Ikoma, ndani ya Hifadhi ya Taifa Serengeti. Picha zote na Exuperius Kachenje.

Ofisa Uhusiano ya Jamii wa Hifadhi ya Taifa Serengeti, Abed Mwesigwa amebainisha hayo ndani ya eneo hilo alipokuwa akieleza kuhusu utajiri wa historia na rasilimali zilizopo ndani ya hifadhi hiyo mbele ya waandishi wa habari waliofanya ziara hifadhini hapo jana.

Mwesigwa amesema: “Mtalii yeyote akifika Serengeti bila kutembelea Fort Ikoma atakuwa amekosa kupata utajiri wa historia na asili kwani eneo hilo ndipo asili inayojumuisha wanyamapori na ekolojia ya hifadhi zinakutanishwa na historia ya ngome hiyo yenye masimulizi ya kusisimua.”

Mwesigwa amebainisha kwamba, Fort Ikoma ilijengwa na wakoloni Wajerumani mwaka 1905, ikiwa ngome yao ya kijeshi wakati ikiitawala Tanzania Bara (Tanganyika), ikiwa katika pembe ya Kaskazini Magharibi ya hifadhi maarufu duniani ya Serengeti iliyo chini ya Shirika la Hifadhi za Taifa (TANAPA), iliyobeba tuzo za kimataifa za ubora duniani kwa miaka sita mfululizo ya European Award for Quality Choice Achievement 2025.

Ofisa Uhusiano ya Jamii wa Hifadhi ya Taifa Serengeti, Abed Mwesigwa akisisitiza jambo, wakati akizungumza na wanahabari Makao Makuu ya Hifadhi ya Taifa Serengeti, Wilaya ya Serengeti, mkoani Mara Juni 20,2025.  

“Ukidhani Serengeti ni simba, nyumbu na uwanda usio na mwisho pekee, fikiria tena na uje kuishuhudia Fort Ikoma na kujua historia yake. Kukosa kuitembelea ni sawa na kusoma riwaya ya kusisimua kwa kuiruka sura ya kwanza,” amesema Mwesigwa.

Waandishi wa Habari waliotembelea Hifadhi ya Taifa Serengeti, inayoshikilia tuzo ya Hifadhi Bora Afrika kwa miaka mitano mfululizo mwaka 2019 -2023, waliishuhudia Fort Ikoma, majengo yake yaliyojengwa kwa mawe na kuwekwa nakshi zinazovutia licha ya kujengwa zaidi ya miaka mia moja iliyopita. 

Kwa mujibu wa Mwesigwa, jengo hilo ni ishara ya nguvu na utawala wa Ujerumani kwa wakati huo, likiwa kwenye muinuko wa juu, uliowawezesha kuona maadui kwa mbali kutoka pande zote, hivyo kujihami kwa urahisi huku historia ikionyesha, Wajerumani walinyang’anywa koloni lao Tanganyika na kupewa Uingereza, baada ya Vita Kuu ya Dunia mwaka1914 - 1918, hivyo Fort Ikoma ikawa mikononi mwa Uingereza.

Wanahabari, wakiingia Fort Ikoma kushuhudia eneo hilo la kihistoria,

“Leo, watalii wanaweza kutembelea magofu hayo, kutembea katika mapango yake yenye hadithi ya kusisimua na kujiwekea picha ya wanajeshi, viongozi na jamii za wenyeji waliowahi kuipa uhai ngome hiyo iliyojaa matundu ya risasi yaliyotokana na mapambano.” amesema Mwesigwa na kuongeza: 

Fort Ikoma ipo katikati ya mfumo wa ikolojia wa Serengeti, hivyo ni mahali bora pa kushuhudia uhamaji wa wanyama, kuona wawindaji wakifanya yao na kufurahia machweo ya jua yanayoangaza savanna na kuta za kale kwa mwanga wa dhahabu.

Wanafunzi wa Shule ya Mchepuo wa Kiingereza, Kebosongo iliyopo Enyamai, Mugumu mkoani Mara, wakijiandalia chakula ndani ya mesi iliyojengwa na wakoloni wa kijerumani iambayo ni sehemu ya jengo la Fort Ikoma,walipofanya utalii Hifadhi ya Taifa Serengeti ili kujifunza ,

Mwesigwa anasema kuwa baada ya kupata uhuru mwaka 1961, Serikali chini ya Rais wa kwanza na mwasisi wa Tanzania, Hayati Mwalimu Julius Nyerere ililitwaa eneo hilo kutoka kwa Wakoloni wa Uingereza na kulifanya kuwa kambi ya Jeshi la Wananchi (JWTZ).

Hata hivyo, Mwesigwa ameeleza kwamba mwaka 1997, Serikali ilifanya uamuzi mkubwa wa mabadiliko, ambapo ikaliweka eneo la Fort Ikoma kuwa chini ya Mamlaka ya Hifadhi za Taifa. (TANAPA), ikiwa sehemu ya Hifadhi ya Taifa Serengeti, pia Ofisi Kuu ya Uhusiano na Jamii.

“Serikali iliona Fort Ikoma isingeendelea kuwa kambi ya kijeshi, bali kuwa sehemu ya mtandao wa Hifadhi za Taifa (TANAPA), hivyo ikaingizwa rasmi ndani ya mipaka ya Hifadhi ya Serengeti. Tangu wakati huo, Fort Ikoma imeibuka si tu kama kivutio cha kihistoria, urithi wa utalii na daraja kati ya historia,wanyamapori na uoto wa asili.

Waandishi wa habari wakishuhudia sehemu ya ngome (Fort Ikoma) wakati walipotembelea eneo hilo., 

Mwesigwa amesema msafiri anayependa kutembelea Fort Ikoma siyo tu kituo cha kupita bali sehemu ya kupata ujumbe, ukumbusho kuwa Serengeti siyo safari tu ya kuona Wanyama bali ni jumba la makumbusho hai la historia, mapambano na mabadiliko.

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma