Bilioni 30 za TANAPA kwa wananchi zapunguza ujangili

Exuperius Kachenje, daimatznews@gmail.com

Shirika la Hifadhi za Taifa (TANAPA), limetumia zaidi ya shilingi bilioni 30 kutekeleza miradi ya ujiranii mwema katika vijiji vinavyozunguka Hifadhi ya Taifa ya Serengeti mkoani Mara, ikitekeleza maombi na mahitaji ya jamii husika. kwenye hifadhi hiyo ya tatu kwa ukubwa nchini.

Bweni la wasichana lililojengwa naTANAPA katika moja ya Shule za Sekondari wilayni Serengeti mkoani Mara, kupitia Miradi ya Ushirikiano ya Ujirani Mwema. Picha zote na Exuperius Kachenje)

Miradi hiyo ya ujirani mwema (SCIPs) inayotekelezwa na TANAPA, kwenye hifadhi hiyo ya tatu kwa ukubwa nchini,  imetajwa kuwa chachu ya kupunguza vitendo vya ujangili na uingizaji mifugo kwenye hifadhi, ambavyo vilikuwa tishio kwa uhai wa wanyamapori na mazingira yanayowazunguka.

Ofisa Uhusiano wa Jamii wa Hifadhi ya Taifa ya Serengeti, Abed Mwesigwa amebaisha hayo akitaja wanufaika ni Wilaya za Serengeti, Bunda, Tarime, Busega, Bariadi, Itilima, Meatu na Ngorongoro katika mikoa ya Mara, Arusha na Simiyu.

“Takriban Shilingi  bilioni 34 za TANAPA  zimetekeleza miradimbalimbali pamoja na miundombinu ya afya, elimu, maji, barabara na madaraja huku pia wakitekeleza mradi wa matumizi bora ya ardhi kwa kushirikiana na wadau wengine,”amesema Mwesigwa na kuongeza:

 “Katika miradi hiyo,TANAPA kupitia Hifadhi ya Taifa Ngorongoro, imejenga shule, kuchimba mabwawa ya maji kwa ajili ya mifugo, nyumba za madaktari katika baadhi ya zahanati, nyumba za walimu, bweni la wanafunzi wa kike, barabara, madaraja pamoja na ujenzi wa vituo vya askari ili kuvihami vijiji na wanyama wakali katika vijiji jirani na hifadhi.

Mzee John Marwa mkazi wa Kijiji Pake, Rubanda wilayani Serengeti, mkoani Mara akizungumzia mradi wa barabara waliyojengewa  na TANAPA.

Amebainisha kuwa Hifadhi ya Serengeti imezungukwa na vijiji 248, vikiwa katika wilaya nane za mikoa mitatu ambayo ni Mara, Arusha na Simiyu.      

Mwesigwa ametanabainisha kuwa tayari vijana katika vijiji hivyo wameanza kupatiwa ajira kwenye kampuni za ulinzi na uwindaji, ili kuwainua kiuchumi, hivyo kushiriki ulinzi wa raslimali za taifa.

Hata hivyo, amesema TANAPA limeweka masharti kadhaa ya utoaji miradi hiyo likiwamo linalotaka vijiji vinavyoomba miradi kutokomeza ujangili na kuacha kuingiza mifugo kwenye hifadhi kwa ajili ya malisho ili kulinda ikolojia ya Serengeti ili kukidhi vigezo vya kupata miradi ya maendeleo.

Daraja lililojengwa na TANAPA kati ya miradi ya ujirani mwema iliyotekeleza kwenye vijiji vinavyozunguka Hifadhi ya Serengeti 

“Kijiji kinachoshiriki vitendo vya ujangili na uingizaji mifugo kwenye hifadhi, hicho kinakosa sifa ya kupewa miradi hiyo. Kutokana na kigezo hicho, wanavijiji wamekuwa wanadhibitiana wenyewe na kupunguza ujangili, hali inayoleta manufaa zaidi kwa hifadhi na wananchi.

“Majangili wanaotoka mbali na maeneo ya hifadhi hawawezi kutekeleza uhalifu huo bila kushirikiana na wenyeji,”amesema Mwesigwa.

Mzee John Marwa mkazi wa Kijiji Pake, Rubanda wilayani Serengeti anaishukuru TANAPA kwa kuwajengea barabara ya Nyigoti Nyichoka inayopita katika Kijiji chao kuwaunganisha na maeneo mengine, hali inayowarahisishia usafiri na kupunguza gharama za maisha. 

“Awali tulilazimika kwenda hadi Mugumu ili kupata usafiri kwenda Bunda, lakini sasa tunakwenda moja kwa moja,” amesema Mzee Marwa.   

Mwenyekiti wa Kijiji cha Bokore, Nelson James alikiri Kijiji chake kujengewa zahanati ya kisasa yenye thamani ya zaidi ya milioni 400 na barabara yenye urefu wa kilometa 12, ambayo awali ilikuwa haipitiki hasa wakati za masika.

Mganga Mfawidhi wa Zahati ya Koreri, Kijiji cha Koreri, Kata ya Mbarimbari, Serengeti mkoani Mara, Dk.Eliud Kanagwa akiwa mbele ya nyumba anayoishi iliyojengwa na TANAPA kwa ajili ya watumishi wa zahanati hiyo

"Sasa tuna uhakika wa kupata huduma saa 24, zahanati hii ni mkombozi mkubwa kwa wajawazito,” amesema Nyabikwabe Nyerera mkazi wa Kijiji cha Bokore.

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma