Mambo matano ya kipekee usiyoyajua Hifadhi ya Taifa Saadan

Exuperius Kachenje, daimatznews@gmail.com

Licha ya Tanzania kuwa na hifadhi 21 za Taifa zenye vivutio mbalimbali vya utalii, Hifadhi ya Taifa Saadan imebahatika kuwa na vivutio vya kipekee barani Afrika, hivyo kuitofautisha na nyingine.

Hifadhi ya Taifa ya Saadani inayopatikana eneo la mikoa ya Pwani  na Tanga ina mambo matano yanayoelezwa kuitofautisha na nyingine nchini, hata barani Afrika hivyo kuwa ya kipekee.

Hifadhi hiyo iliyopo katika wilaya ya Bagamoyo mkoani Pwani  na wilaya za Handeni na Pangani Mkoa wa Tanga ina ukubwa wa takriban Kilomete za mraba 1,100  na ilianzishwa mwaka 2009.

Ofisa Mhifadhi, Utalii, Hifadhi ya Taifa Saadan, Daud Gordon

Akizungumza na wanahabari ndani ya hifadhi hiyo, Ofisa Mhifadhi, anayeongoza kitengo cha utalii, Hifadhi ya Taifa Saadan, Daud Gordon ameyataja mambo hayo kuwa ni makutano ya Bahari ya Hindi na nyika, uwepo wa mlango bahari wa Mto Wami unaoingia Bahari ya Hindi na mazalia ya kasa wa kijani.

Mengine ni wanyama na binadamu kukutana kwenye fukwe wa Bahari ya Hindi wakivinjari na mbuyu wenye taswira ya Bikira Maria.

Gordon amesema upekee huo hauishii kwenye mambo hayo manne tu, bali pia Hifadhi ya Taifa Saadan ina makundi ya wanyama zaidi ya matano, wakiwamo wanyama wakubwa(Big Five), wanne kati ya watano ambaoni Simba, Tembo, Nyati na Chui, huku akikosekana Faru pekee.

Kwa mujibu wa Gordon, mbali na wanyama hao wakubwa wanne, wanyama wengine wakiwamo pundamilia, ngiri na nyani hufika ufukweni kupumzika, jambo ambalo ni adimu katika hifadhi zingine duniani.

Alisema mbali na hayo, Hifadhi ya Saadani ina Msitu wa Zalaninge ulio na uoto wa asili, unaochangia upatikanaji wa mvua pamoja na miti ya mikoko inayosaidia viumbe hai kama kasa na dagaa Kamba kuzaliana kwa wingi katika eneo hilo.

Mmoja kati ya wanyama wanaovutia hifadhini, Twiga akijipatia chakula Hifadhi ya Taifa Saadan.

“Hifadhi hii ina utalii wa aina nyingi, pia tunasimamia Kituo cha Malikale chenye kumbukumbu ya biashara ya utumwa cha Caravan Serai cha mjini Bagamoyo, eneo la magofu yaliyotumika kuhifadhi watumwa, mbuyu uliotumika kunyongea watumwa, makaburi ya wamisionari wa kwanza kufika eneo hili kueneza ukristo,” alisema.

Gordon aliongeza: “Pia tuna utalii wa dini, tuna eneo la Mti wa Mbuyu wenye sanamu inayoshabihiana na Bikra Maria ikiwa ya asili ambayo hakuna aliyeichora, bali imekutwa hapo. Huu ndiyo upekee wa Saadani.”

Magofu ya lililokuwa Soko la Watumwa lilipo eneo la Kijiji cha Saadan, mkoani Pwani. Picha zote na Exuperius Kachenje.

Alisema ili kuendelea kuimarisha hifadhi hiyo, wametenga maeneo tisa kwa ajili ya uwekezaji upande wa huduma za malazi, utalii wa fukwe na michezo ya baharini.

Alieleza kuwa hifadhi hiyo iliyoanzishwa mwaka 2005 kutoka kuwa pori la akiba ina malango makuu ya nchi kama Uwanja wa Ndege wa Kimataifa wa Julius  Nyerere (JNIA), Bandari Kuu, miji ya kihistoria ya Bagamyo na Zanzbar na kufanya kufikia kwa urahisi ikitumia usafiri wa anga, maji na barabara.

Lucas Mollel mmoja wa viongozi wa Kanisa la Kiinjili la Kilutheri Tanzania (KKKT), Usharika wa Alei Levorosi, Arusha Mjini alisema mambo mbalimbali aliyoyaona kwenye Hifadhi ya Saadani yamemuimarisha zaidi kiimani kwani ameshuhudia uumbaji wa Mungu usiokuwa wa kawaida na kumfanya apumzike mwili na akili hivyo akirudi Arusha atakuwa na nguvu mpya.

Baadhi ya viongozi na waamini wa Kanisa la Kiinjili la Kilutheri Tanzania (KKKT), Usharika wa Alei Levorosi, Arusha Mjini, mkoani Arusha wakiwa katika utalii wa ndani Hifadhi ya Taifa Saadan, mkoani Pwani.

“Tuna kila sababu ya kumshuru Mungu, Arusha kuna hifadhi na Wanyama wengi, lakini sijawahi kuona maji yapo karibu na Bahari, ambayo hayana chumvi, haya ni maajabu, nimeona vifaa vilivyotumika kufunga watumwa. Naziomba taasisi za dini na Serikali kuwaleta viongozi hapa Saadan ili kupumzisha akili na kujifunza mambo ya kale, lakini zaidi kutafakari ukuu wa Mungu,”alisema Mollel.

 

Mwisho

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma