Shahidi: Pakiti 16 zilizokamatwa Charambe Sekondari ni kilo 15 za heroin

-

 Mwandishi Wetu,daimatznews@gmail.com 

SHAHIDI wa kwanza upande wa mashtaka,mchunguzi kutoka Maabara ya Mkemia Mkuu wa Serikali, Leonidas Michael amedai pakiti16 zilizokamatwa maeneo ya Shule ya Sekondari Charambe ni dawa za kulevya aina ya heroine.


Shahidi amedai hayo Mahakama Kuu Divisheni ya Makosa ya Rushwa na Uhujumu Uchumi Dar es Salam, mbele ya Jaji Godfrey Isaya wakati akitoa ushahidi wake.

Washtakiwa katika kesi hiyo ni Suleiman Thabiti, Sharifa Bakari na Faridi Saidi ambao wanashtakiwa kuwa Novemba 30 mwaka 2022 walikutwa maeneo ya Mbagala Charambe wakifanya biashara ya kusafirisha dawa za kulevya, aina heroine kilo 15.19.

Shahidi akiongozwa kutoa ushahidi na Wakili wa Serikali Mwandamizi, Diana Lukondo alidai kuwa Novemba 30,2022 alikuwa Maabara ya Mkemia Mkuu wa Serikali, alipokea sampuli kutoka kwa ofisa wa Mamlaka ya Kudhibiti na Kupambana na Dawa za Kulevya Selemani Mbwambo.

Alidai sampuli moja ulikuwa mfuko wa salfeti ndani ulikuwa na pakiti 16 zenye chenga zilizosadikiwa kuwa dawa za kulevya na sampuli ya pili ilikuwa bahasha ya kaki iliyokuwa na vifungashio vyenye masalia yaliyosadikiwa kuwa dawa za kulevya.

Leonidas alidai alipima uzito wa chenga na kubaini ilikuwa kilogramu 15.19 na alipofanya uchunguzi wa awali alibaini zilikuwa dawa za kulevya aina ya heroine.

Alidai kuwa Januari 13 mwaka 2023, alifanya uchunguzi wa uthibitisho kwa kuchukua sampuli na kuzipeleka kwenye mitambo.

Alidai pakiti zilipewa alama A1 hadi A16 na katika uchunguzi wa uthibitisho ilibainika kuwa ni heroine na vifungashio vilipewa alama B1na B2.

Alidai uchunguzi ulibaini masalia yaliyokuwemo kwenye vifungashio hivyo yalikuwa ni heroine na cocaine.

Baada ya kumaliza uchunguzi wa uthibitisho aliandaa taarifa Januari 16 mwaka 2023 , alisaini na kuipeleka kwa Mkuu wake wa idara.

Wakili Diana alitaka shahidi aeleze ataitambua vipi taarifa ya uchunguzi aliyoiandaa.

Shahidi alidai ataitambua kwa kuwa ina jina lake, sahihi yake , kuna maelezo ya mfuko wa salfeti wenye pakiti 16 zenye Alama A1 hadi A16 na bahasha ya kaki yenye vifungashio vya masalia ya dawa za kulevya.

Baada ya kuitambua aliomba kutoa kielelezo hicho kama sehemu ya ushahidi wake, upande wa utetezi haukuwa na pingamizi na Mahakama ilipokea.

Mawakili wengine walioiwakilisha Jamhuri ni Edith Mauya, Titus Aron na John Kaongo. Mawakili wanaowawakilisha washtakiwa ni Nehemiah Nkoko na Josephat Mabula.

Hadi tunatoka kwenye viunga vya Mahakama shauri hilo linaendelea kusikilizwa.

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma