Watumishi Hospitali Mwananyamala 'wafundwa' ushahidi rushwa ya ngono

-

-DC awataka kuzingatia maadili, miiko ya kazi

MwandishiWetu, daimatznews@gmail.com

Mkuu wa Wilaya ya Kinondoni  Saad Mtambule, ametoa rai kwa watumishi wa umma Hospitali ya Rufaa Mwananyamala kuzingatia maadili na miiko yao ya kazi wanapotekeleza majukumu yao hususani kwenye upatikanaji wa ushahidi kwenye matukio ya ukatili wa ubakaji na ulawiti.

Mkuu wa Wilaya ya Kinondoni  Saad Mtambule akizungumzana watumishi wa Hospitali ya Rufaa Mwananyamala, Dar es Salaam kuhusu kuzingatia maadili na miiko yao ya kazi wakati warsha iliyoanaliwa na TAKUKURU Desemba 11, 2024.

Ameitoa Jijini Dar es Salaam Desemba 11, 2024 kwenye warsha kwa watumishi wa Hospitali ya Rufaa ya Mwananyamala, kuhusu umuhimu wa maadili na madhara ya rushwa ya ngono na ukatili wa kijinsia iliyoandaliwa na TAKUKURU Mkoa wa Kinondoni katika kuadhimisha siku ya maadili na haki za Binadamu.

Aidha amewaomba watumishi wa afya kutokuwa sehemu ya kufanikisha uhalifu na ukatili wanaotendewa watoto hususani ubakaji na ulawiti Kwa kutoa ushahidi katika kujaza fomu ya Polisi ya PF3 Ili mtuhumiwa atiwe hatiani na kuwaondoa mtaani wasiendelee kutekeleza Matukio hayo ya kikatili ndani ya Jamii

Amewasisitiza kuharakisha uchunguzi wa kweli na ushahidi kurudishwa Polisi ili kusaidia upatikanaji wa haki kwa wakati kwa mtenda na mtendewa hivyo wasimame kama wataalamu kwenye sekta ya Afya kwa kukataa Rushwa na kusimamia kwa mujibu wa Sheria Ili kuendelea kulinda haki za Binadamu

Amesema Mmomonyoko wa maadili Kinondoni upo sana hususani maeneo ya Mwananyamala, Makumbusho, na Tandale Matukio ya ubakaji na ulawiti ni mengi hivyo wanaendelea kuwasihi viongozi wa Dini na watu wa haki Jinai kuangalia jinsi ya kukabiliana na ukatili wa kijinsia ambapo hospital pia ni Moja ya wahusika katika kuangalia kama tendo hilo limetokea ili mtuhumiwa atiwe hatiani.

Hata hivyo amesema Hospitali ya rufaa ya mwananyamala ndio kimbilio ya watu wengi wazee, wazazi kutokana na unafuu wa gharama  hivyo ili kuendelea kuwa kimbilio waendelee kuishi na kutoa huduma kwa Msingi na miiko ya Utumishi wa umma kwani hawataweza kuzungumza kuhusu rushwa, uzembe na maadili mabovu.

Ameongeza kuwa siku ya maadhimisho ya Haki za Binadamu inayoadhimishwa Desemba 10 ya kila mwaka pamoja na siku ya mapambano dhidi ya rushwa ambayo huadhimishwa kila Desemba 9 ya kila mwaka serikali iliamua kuunganisha siku hizo mbili kufanya maadhimisho hayo Desemba 10 na kuwa siku ya maadili na Haki za Binadamu.

“ Nasisitiza kuishi na kutenda kazi Kwa kuzingatia miiko ya Utumishi wa umma ambayo ni uadilifu, uzalendo, utaratibu wa kuwasiliana, kuongea matumizi ya lugha nzuri kwa wagonjwa, mavazi kulingana na miiko ya kazi” DC Mtambule.

Katika miaka 63 ya Uhuru wa Tanganyika wana kila sababu ya kujivunia kwa kuwa na tunu ya amani na utulivu wa nchi na Jitihada za kutokomeza maadui watatu maradhi, ujinga na umaskini hivyo Rais Dkt. Samia Suluhu Hassan ameendelea  kuhakikisha kuwa sekta ya Afya inaimarika hususani miundombinu ambayo ni pamoja na ujenzi wa hospitali mpya za serikali na binafsi na uwepo wa vifaa tiba na madawa.

Kwa upande wake, Mkuu wa TAKUKURU Mkoa wa Kinondoni, Christian Nyakizee amesema lengo la warsha hiyo ni kuwakumbusha watumishi wa Umma kutekeleza majukumu ya bila kujihusisha na vitendo vya rushwa kwani ni adui wa haki na inaenda nje ya utaratibu na kunyima haki hivyo ni vyema kila mmoja kupambana na rushwa na kuishi kwa misingi ya maadili ya Utumishi wa umma.

Amesema warsha hiyo ni muendelezo wa jukumu la TAKUKURU Kinondoni kutoa elimu kwa umma kwa taasisi na makundi mbalimbali ambapo leo wametoa elimu kwa umma kuhusu matatizo ya ukatili wa kijinsia na watoto ambalo ni jambo kubwa ndani ya Jamii hususani Wilaya ya Kinondoni.

Ameongeza kuwa wameshatoa Elimu hiyo kwa viongozi wa serikali za Miata, Polisi  Dawati la Jinsia na Ustawi wa Jamii Ili kuwezesha kutokomeza vitendo vya ukatili wa kijinsia ndani ya Jamii.

Nae, Mganga Mfawidhi wa Hospitali ya Rufaa ya Mwananyamala Dkt. Zavery Benela, ameishukuru TAKUKURU Kinondoni Kwa kutoa warsha hiyo kuhusu maadili, ukatili wa kijinsia ambayo itawezesha pia watumishi kupata Elimu jisnsi ya kutokupokea rushwa kutoka kwa wateja wao.

Amesema  Rushwa ni adui wa haki ambayo inasababisha wateja wao kukosa haki yao ya matibabu katika hospitali yao hivyo kuwakumbusha viongozi kusimamia maadili na watumishi wa sekta ya Afya kuzingatia uadilifu.

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma