Serikali kuanzisha sheria usimamizi wa huduma Ustawi wa Jamii

-

Na Hussein Ndubikile, daimatznews@gmail.com

Waziri wa Maendeleo ya Jamii, Jinsia, Wanawake, Watoto na Makundi Maalumu, Dk. Dorothy Gwajima, amesema wizara yake kwa kushirikiana na wizara nyingine, inajiandaa kuanzisha sheria itakayohusu usimamizi wa huduma za kada ya ustawi wa jamii.

Waziri wa Maendeleo ya Jamii, Jinsia, Wanawake, Watoto na Makundi Maalumu, Dk. Dorothy Gwajima, akizungumza katika Mahafali ya 48 ya Chuo cha Ustawi wa Jamii, Kijitonyama na Mahafali ya Saba, Tawi la Kisangara jijini Dar es Salaam, Desemba 12,2024.

Akizungumza katika Mahafali ya 48 ya Chuo cha Ustawi wa Jamii, Kijitonyama na Mahafali ya Saba, Tawi la Kisangara yaliyofanyika jijini Dar es Salaam, Dk. Gwajima amesema:

"Sheria hiyo itainua huduma za ustawi wa jamii, kulinda taaluma na kutoa fursa kwa watoa huduma binafsi kusajiliwa na kupata vibali vya kufanya kazi."

Amesisitiza kuwa huduma hizi zinakutana na changamoto, ikiwemo mauaji, na kwamba maofisa wa ustawi wa jamii watakuwa mstari wa mbele kupambana na hali hiyo. 

Gwajima ametoa mfano wa tukio la uhalifu lililotokea Dodoma, ambapo maofisa wa ustawi walifanya kazi usiku kuchunguza na kutatua tatizo la mtoto aliyeumizwa.

Wahitimu wa Mahafali ya 48 ya Chuo cha Ustawi wa Jamii, Kijitonyama na Mahafali ya Saba, Tawi la Kisangara wakifuatilia hafla hiyo jijini Dar es Salaam, Desemba 12,2024.

.
“Juzi saa 5:47 usiku nilipokea ujumbe wa maneno kutoka Dodoma, Mtaa wa Iyumbu kwamba kuna mtoto anapigwa, Mungu alinisaidia nilikuwa macho ningepeleka wapi hili sawala? Mtu wa kwanza niliyemwamsha alikuwa Ofisa Ustawi wa Jamii wa Dodoma,” amesema na kuendelea:

“Naye akamtafuta mtu wa Dawati la jinsia wakafanya kazi usiku, hadi katika eneo la tukio walikuta mtoto ameumizwa yeye na binti wa kazi, kufuatilia ni mtoto wa ndugu yake alimchukua kwa jili ya kusoma.”

Hata hivyo, amesema baada ya uchunguzi wamegundua wahusika wana tatizo la kisaikolojia ambalo lilikuwa linahitaji huduma kutoka kwa wahusika wa masuala hayo.

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

-
Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

-
Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

-
Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma