'Maendeleo yanavyotafuna vijana kimaadili'

 


Mwandishi Wetu, daimatznews@gmail.com

Ukuaji wa utandawazi umetajwa kuchangia kundi kubwa la vijana nchini kutokana na kukua na kuenea kwa sayansi na teknolojia inayogusa kwa karibu vijana, ikielezwa sehemu kubwa ya kundi hilo limetafunwa na maendeleo hayo kwa kupotoka kimadili.


Mkufunzi wa Shirika la Kutetea Uhai Tanzania (ProLifeTz), Godfrey Mkaikuta pichani juu, amesema hayo Aprili 16, 2024 wakati akijadili Mada ya Maisha ya Vijana katika Dunia ya Leo, iliyoandaliwa na ProLifeTz kwa vijana wa Jimbo Katoliki Ifakara.

"Wazazi na walezi wa Tanzania, ulimwengu unatudai kubaki katika msingi wa malezi ya tamaduni na asili za kiafrika kwa kuwafanya vijana na watoto kupenda na kuheshimu maadili yao, pia kujiepusha na tamaduni za mataifa ya nje," amesema Mkaikuta.

Katika tafakari yake, Mkaikuta amesema vijana wengi wameutoa utu wao wa ndani waliopewa na Mungu kwa kukimbilia mambo ya kigeni, wakijidanganya kwamba ni mabadiliko na ukuaji wa sayansi na teknolojia.

"Ifike pahali tuone si jambo la kawaida kukuta kijana wa kiume amevaa hereni, au amevaa mavazi yampasayo mwanamke. Tukemee kwa uwazi na tusidanganywe na teknolojia kwamba ni sawa au ni sanaa. Tusione kawaida mwanafunzi kukatisha masomo kwa sababu ya mimba, tukemee ngono na matumizi ya vitu vinavyoharibu utu wa vijana wa leo" amesema Mkaikuta.

Ametahadharisha kwamba, teknolojia ya sasa isiwafanye wazazi na walezi kuona ni sawa kwa mtoto kuwa huru kutumia mifumo ya kisasa kwa uhuru pasipo uangalizi wa wazazi nyumbani na kusahau kwamba mifumo hiyo imewekwa vitu vingi viovu vinavyoweza kuharibu makuzi ya mtoto ambaye ni kijana wa baadae, baba au mama wa kesho.

Kwa mujibu wa Mkalukuta, utandawazi umesabisha kushamiri kwa  matumizi ya vitu vingi viovu, ikiwemo, vidhibiti mimba na ushoga miongoni mwa vijana, hali aliyosema inaharibu utu wao na uwezo wao wa baadae wa kuwa mama na baba.

Mkufunzi huyo amesema kilio na mahangaiko yanayowakuta wanandoa wa sasa, kupungua kwa uwezo wa wanaume katika tendo la ndoa na wanawake kupoteza uwezo wa kubeba mimba ni matokeo ya utandawazi unaopambwa na lugha nzuri ya mpango wa uzazi na kusahau kwamba mpango huo unaharibu na kuua uwezo wa mwanamke kubeba mimba.

Amesema tangu kuanza kwa utandawazi miaka ya 1990, mmomonyoko wa maadili katika jamii hasa  vijana umeongezeka, ikiwemo mimba za utotoni, vijana kujiingiza kwenye matumizi ya dawa za kulevya, unywaji pombe uliokidhiri na uchezaji wa michezo ya kubahatisha ambayo imedumaza akili zao kwa kutaka pesa za harakaharaka, wakisahau kuwa wao ni wazazi wa kesho.

Amesema matokeo ya mmomonyoko wa maadili kwa jamii unashuhudia pia kuongezeka kwa ukahaba na uasherati kabla ya ndoa ambavyo husababisha mimba za utotoni, vijana kudumaa katika ukuaji kimwili, kiakili na kiimani, pia kushamiri kwa magonjwa ya zinaa, viungo vya uzazi kuchakaa kuzeeka kabla ya wakati wake.

Mkalukuta amesisitiza kuwa ulimwengu unawadai wazazi wa Tanzania kubaki katika misimamo wa kimaadili ya kiafrika ili kukabili mmomonyoko wa maadili unaopoteza vijana na watoto wengi walio taifa la kesho, ambao sasa wanaharibiwa kile wanachokiona kwenye mitandao wakitamani kujaribu kila kitu.



Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma