Vijana 'Kanda Maalum' Mara kufundishwa ukarimu kwa wageni

 Exuperius Kachenje, daimatznews@gmail.com

Halmashauri ya Wilaya ya Serengeti mkoani Mara, imeanza kutoa mafunzo maalum kwa vijana wa eneo hilo ya namna ya kuwakarimu na kuhudumia wateja ili waingie katika soko la ajira hasa kuhudumia watalii katika maeneo yanayozunguka Hifadhi ya Taifa ya Serengeti mkoani Mara.

Kaimu Mkurugenzi wa Halmashauri  ya Wilaya Serengeti, Victor Rutonesha akizungumza na wanahabari ofisini kwake.

 Kaimu Mkurugenzi wa Halmashauri hiyo, Victor Rutonesha amebainisha hayo alipokuwa akizungumza na wanahabari waliotembelea ofisini kwake kujua namna wanavyoshirikiana na TANAPA katika masuala ya uhifadhi na utalii kwenye eneo laHifahi ya Taifa Serengeti.   

Rutonesha amesma mbinu hiyo itasaidia vijana wa Serengeti na Mkoa wote wa Mara kupata ajira kwenye kampuni mbalimbali zinazojihusisha na utalii zikiwamo hoteli na kwenye biashara zao binafsi za nje ya hifadhi.

“Tumeamua kuanzisha programu hiyo baada ya kugundua vijana wetu hapa wamepungukiwa ukarimu, hii ni kwa nia njema tu . Lakini hili pengine linatokana na mila na desturi za wenyeji wa mkoa huu, zina upungufu wa ukarimu hasa wanapohudumia wateja hata katika biashaa zao binafsi,” amesema Rutonesha.

Kwa mujibu wa Rutonesha, wamegundua kuwa wasipofanya hivyo uwekezaji utakapoanza na kushamiri, utawaacha nje vijana wa mkoa huo kutokana na sababu mbalimbali, kikubwa kikiwa ni mila, desturi na mazoea ya wenyeji wa mkoa huo.

“Kwa mfano baadhi ya mila za baadhi ya makabila ya mkoa huu zinakataza mwanamke kumtuma mwanaume kwa kudhani kwamba amemdharau. Mwanamke anaweza kwenda dukani au hotelini akamtuma mhudumu wa kiume amletee soda ainafulani,lakini yule mhudumu akalete soda aina nyingine akaifungua na kumpa mteja huku akimwambia kunywa hiyo ndio iliyopo, uliyotaka hakuna. Hayo yametokea, jambo ambalo linawafanya vijana kushindwa kuajirika katika kampuni hasa zinaongozwa na wanawake,” amesema.

Rutonesha ameongeza: “Vijana wengi wanaishi kwa mazoea ya tamaduni zao, hawajui umuhimu wa kujali mteja katika biashara zao. Matokeo ya hali hiyo, vijana wanaofanyakazi kwenye hoteli na kampuni za utalii wilayani Serengeti wanatoka Kilimanjaro na mikoa mingine.Kwa sababu hiyo, sisi viongozi hatuwezi kuacha haya yaendelee.”

Amesema wameanza kuwapa elimu vijana na akina mama wanaozungukwa na Hifadhi ya Taifa erengeti na maeneo mengine kwa sababu uwekezaji wa mahoteli makubwa na biashara mbalimbali zinaanza kufunguliwa.

Akizungumzia miradi inayotarajiwa kuchochea fursa za kiuchumi wilayani humo, Kaimu Mkurugenzi Rutonesha amesema kwa sasa hoteli nyingi za kitalii zitajengwa kwenye vijiji vinavyopakana na hifadhi ambavyo tayari vina mpango wa matumizi bora ya ardhi.

Ingawa hakutaja idadi ya hoteli zinazotarajiwa kujengwa maeneo hayo ya vijiji, amesema halmashauri inaendelea kupokea maombi ya watu wanaotaka kuwekeza hoteli zikiwamo zenye hadhi ya nyota tano na biashaa nyingine kubwa.

Kaimu Mkurugenzi huyo wahalmashauri amesema biashara hizo kubwa zitakuwa kwenye maeneo ya wananchi ambao vijiji vyao vimetenga maeneo ya uwekezaji na utalii kwa ujumla, hivyo wakazi na wenyeji wa maeneo hayo hawana budi kujiandaa kupokea na kufanya biashara na wageni kwa lugha ya ukarimu na uaminifu.

 

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma