PPP Center yapika wataalam miradi ya ubia

- Lengo kupata miradi yenye tija,kuipunguzia mzigo Serikali

Mwandishi Wetu, Arusha

Kituo cha Ubia kati Sekta ya Umma na Sekta Binafsi (PPP Centre), kwa kushirikiana na Benki ya Dunia, kinaendesha mafunzo maalum ya ubobezi wa PPP kwa hatua tatu tofauti.

Hatua hizo ni Ngazi ya Msingi, Utayarishaji Miradi na Uendeshaji pamoja na Usimamizi Miradi ya PPP, ili kuwajengea uwezo watumishi katika kuibua na kuchakata miradi ya maendeleo yenye tija kwa utaratibu PPP.

Kaimu Mkuu wa Kitengo cha Uthaminishaji wa Miradi wa PPP-Center, Dk. Suleiman Kiula

Uendeshaji wa mafunzo hayo ambao ni jukumu la Kisheria la Kituo hicho cha Ubia, yana lengo la kuongeza wataalam zaidi, watakaoweza kutayarisha miradi ya PPP yenye tija kwa ufanisi itakayokuwa kivutio kwa wawekezaji kutoka sekta binafsi ndani na nje ya nchi, hivyo kuipunguzia Serikali mzigo wa bajeti ya maendeleo.

Mafunzo hayo kwa Hatua ya Uandaaji Miradi yamefanyika mkoani Arusha kwa siku 10 mapema mwezi huu wa Juni, yakiwajumuisha watendaji kutoka sekta mbalimbali za umma Tanzania Bara na Zanzibar, ambapo washiriki wanaofaulu mitihani iliyotolewa Taasisi Maalum inayoratibu Mitalaa ya PPP Duniani (APMG), watatunukiwa vyeti vya ubobezi wa miradi ya PPP kwa hatua husika.

Akizungumza katika ufunguzi wa mafunzo hayo, Kaimu Mkuu wa Kitengo cha Uthaminishaji wa Miradi wa PPP-Center, Dk. Suleiman Kiula, alisema mafunzo hayo ni sehemu ya wajibu wa kisheria wa PPP Center katika kuwajengea uwezo wa utendaji watumishi wa umma na binafsi katika eneo hilo la PPP.

“PPP Center, kinatekeleza wajibu wake kisheria. Kwa mwaka huu 2025 mafunzo haya ni hatua ya pili. Hatua za kwanza zilifanyika Agosti 2024 na Aprili mwaka huu,ambapo takriban washiriki 90 kati ya 180 wamefaulu mitihani ya APMG,” alisema Dk. Kiula.

Waratibu wa mafunzo ya kuandaa wabobezi wa miradi ya PPP, yanayoendeshwa kwa ushirikiano kati ya PPP Center na Benkiya Dunia (Kushoto) ni Edwin Kachenje kutoka PPP Center na kulia ni Angel Musahara wa Benki ya Dunia, wakitoa utambulisho wakati wa ufunguzi wa mafunzo hayo mkoani Arusha Juni 2025.

Alisema lengo la kuandaa wabobezi wa miradi ya PPP ni kutanua wigo wa Bajeti ya Serikali katika miradi inayogusa jamii moja kwa moja ikiwamo ya huduma za jamii na miundombinu, kuongeza ufanisi na kuvuna teknolojia mpya ya kisasa.

Alifafanua kuwa hatua hiyo ya pili kati ya tatu za mafunzo hayo, ilijumuisha washiriki 80, ambao nao mwishoni mwa mafunzo wametapimwa kwa mitihani ya ubobezi ya APMG na waliofaulu kutunukiwa vyeti vya ubobezi wa PPP hatua ya pili.

Kwa mujibu wa Dk.Kiula mafunzo hayo yataliwezesha taifa kupata miradi yenye ubora katika kufikia malengo la Dira ya Taifa ya Maendeleo ya 2025-2050 iliyotokana na maoni ya wananchi, ikichagiza Tanzania kufikia lengo la Uchumi wa Dola trilioni moja na pato Dola kati ya 4500 hadi 7,000 kwa kila Mtanzania.

“ Ili kufikia huko, ndio sababu kunahitajika sekta binafsi kujumuishwa katika miradi ya miundombinu na huduma kwa jamii ambayo itaratibiwa kwa Ubia kati ya Umma na Sekta Binafsi (PPP), inayosimamiwa na PPP Center chini ya Mkurugenzi Mtendaji wake, David Kafulila,” alisema

Mkufunzi wa Mafunzo hayo Jan Willem Middelburg ambaye ni Mkurugenzi wa  Kampuni ya Cybiant ya Uholanzi, alisema PPP Center imechukua hatua muhimu ya kutoa mafunzo hayo kwa watendaji wa umma na sekta binafsi kwa kuwa kasi ya maendeleo ya dunia ya sasa inaendana na uhitaji wa wataalam sahihi wa kusimamia miradi ya ubia ili kuleta maendeleo ya taifa kwa haraka.

Washiriki wa mafunzo ya ubobezi wa miradi ya ubia kati ya sekta ya umma na sekta binafsi wakiwa katika picha ya pamoja.

Mmoja wa washiriki wa mafunzo hayo, Asia Mohammed Haji kutoka Kamisheni ya Miradi ya Ubia Kati ya Umma na Sekta Binafsi (PPP)Zanzibar, alisema: “Mafunzo haya yametupa mwanga na kutambua namna bora ya kuchakata miradi ya ubia na Serikali inavyoweza kuepuka vichocheo vya kukwamisha miradi ya maendeleo.”

Mshiriki mwingine, Evelyne Magambo alisema mafunzo hayo ni chachu ya mabadiliko katika kusimamia miradi ya Serikali ili jamii inufaike nakuliongezea taifa kasi ya maendeleo.

Mkufunzi wa Mafunzo hayo Jan Willem Middelburg ambaye ni Mkurugenzi wa  Kampuni ya Cybiant ya Uholanzi(Kulia) akiteta jambo na mmoja wa waratibu wa mafunzo hayo Angel Musahara kutoka Benki ya Dunia

       


Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma