Wanyama 400 wauawa Mikumi

 -Kamera kunasa wahalifu

Exuperius Kachenje, daimatznews@gmail.com

Hifadhi ya Taifa Mikumi inajipanga ili kuweka  kamera zikazowekwa geti la kuingilia hifadhi hiyo eneo la Kijiji cha Doma, Mikumi Mjini inapoishia hifadhi kwenye barabara Kuu kwenda Iringa, inayopita hifadhini humo, ikielezwa kuwa wastani wa wanyama 400 hufa kwa kugonjwa na gari kila mwaka.

Kamishna Augustine Masesa

Mkuu wa Hifadhi ya Taifa Mikumi, Kamishna Augustine Masesa amesema hayo Juni 28/2025 akieleza kuwa hatua hiyo inalenga kuwanasa madereva watakaowagonga wanyama kwenye eneo la hifadhi na magari yanayovunja sheria kwa kutembea mwendo usioruhusiwa.

 Alikuwa akizungumza na waandishi wa habari ofisini kwake, kuhusu masuala mbalimbali yanayohusu hifadhi hiyo, ambapo amesema mradi huo unahitaji takriban shilingi bilioni 2.

“Tayari upembuzi yakinifu umefanywa na Shirika la Maendeleo la Kimataifa (UNDP), tunasubiri pesa tu ipatikane kutekeleza mradi huo kwenye eneo hilo la kilometa 50 inapokatiza baabara kuu hifadhini,”ameseme Kamishna Masese.

Kamishna Masesa amesema hatua hiyo ina lengo la kuondoa tatizo la wanyama kugongwa na magari na wahusika wengi kukimbia.

“Katika barabara kuu inayopita ndani ya Hifadhi ya Taifa Mikumi kuelekea Iringa, kila siku anagogwa mnyama, kila mwaka mmoja wastani wa wanyama 500 hugongwa na magari na kupoteza maisha, kisa madereva wasiozingatia sheria, lakini pia watu wanaotupa taka hifadhini,” amesema Kamishna Masesa .

Amesema kwamba katika kukabiliana na tatizo hilo kwa sasa wameanza kufanya doria ili kubaini wanaogonga wanyama na wanaotupa taka kwani husababisha nyani wengi kugongwa kutokana na kufuata taka hizo barabarani.

“Anayegonga mnyama tukimkamata lazima alipe faini, hii inategemea amemgonga mnyama aina gani.Wapo tuliowakamata na magari yao, wameshindwa kulipa faini na kutelekeza magari hayo,” amebainisha mkuu huyo wa Hifadhi ya Taifa Mikumi.

Akitoa mfano amesema kwa wanaogonga Twiga, faini inafikia Dola za Marekani 20,000 ambazo ni zaidi ya Shilingi milioni 50.

“Hapa dereva jiulize, kwa nini uingie kwenye matatizo kama hayo badala ya kufuata sheria zilizopo? Nawahiiza madereva kufuata sheria wanapopita eneo la Hifadhi ya Taifa Mikumi,” amesema.

Muikolojia wa Hifadhi ya Taifa Mikumi, Peter Mathew Jacob (Pichani chini), amesema kwa wastani kila mwaka takriban wanyama 400 hugongwa na magari yanayopita hifadhini, ingawa idadi ya wanyama wanaogongwa kwa mwezi hutofautiana nyakati za masika na kiangazi.

"Ukubwa wa tatizo unatofautiana kulingana na msimu, msimu wa kiangazi tunakuwa na maeneo machache yenye maji hivyo wanyama wengi huvuka kutafuta maji na kugonjwa na magari," amesema Jacob na kufafanua:

"Kiangazi tunakuwa na wastani wa wanyama 17 hadi 20 wanaogongwa, masika  wanagongwa saba hadi 15, hata hivyo takwimu za karibuni kwa mwaka 2021/2022 zinaonyesha  waligongwa wanyama wengi zaidi,waligongwa 482."
 Katika hatua nyingine Kamishna Masesa ameishukuru Serikali kwa kuziachia hifadhi za taifa asilimia 51 ya makusanyo yake ili kuendesha shughuli za maendeleo hifadhini. 

“Tunaishukuru Serikali ya Rais Samia Suluhu Hassan, sasa tutaacha kutegemea fungu kutoka serikalini, naamini hatua hii inatokana na moyo na utendaji wa Shirika la Hifadhi za Taifa (TANAPA),” amesema Kamishna Masesa

Maoni

Chapisha Maoni

Machapisho maarufu kutoka blogu hii

Sanamu ya Bikira Maria yaonekana ndani ya Hifadhi ya Taifa Saadani

Picha
  -Maajabu mapya ya kipekee Exuperius Kachenje Sanamu yenye mwonekano wa Bikira Maria (Mariam), anayetajwa na vitabu vitakatifu vya Biblia Takatifu na Qur’an Tukufu (Mariam), ndiye mama wa Yesu Kristo (Nabii Issa bin Mariam), imegundulika ndani ya Hifadhi ya Taifa ya Saadani, ikitajwa kuwa ni maajabu mapya yasiyo ya kawaida kwa watalii ndani na nje ya Tanzania, inayoongeza upekee wa hifadhi hiyo kwa utalii. Mti wa mbuyu wenye sanamu yenye mwonekano wa Bikira Maria uliopo ndani ya Hifadhi ya Taifa Saadan. Picha na Exuperius Kachenje Ofisa Mhifadhi kitengo cha uta;ii, Hifadhi ya Taifa Saadani (SANAPA) Daud Gordon amebainisha hayo Juni 26, 2025 akieleza kwamba kivutio hicho kipya ni nyenzo muhimu katika kukuza utalii wa kiimani, hata kuweza kuwa sehemu ya hija kwa waamini, hasa wanaoamini na kumheshimu mama huyo kadiri ya mapokeo ya imani zao,mfano ukiwa Kanisa Katoliki. Gordon amesema kuwa sanamu hiyo ya asili inaonekana katikati ya mti wa mbuyu, eneo la Buyuni  ndani ya h...
Endelea kusoma

Kapteni Traole afuata huduma za afya nchini

Picha
  - Aichagua JKCI kupata huduma za kibingwa  - Burkina Faso yasaini makubaliano na JKCI  Mwandishi Wetu, daimatznews@gmail.com Rais wa Burkina Faso,Kapteni Ibrahim Traore amefuata huduma bora za afya zinazotolewa nchini, hasa za magonjwa ya moyo. Rais wa Burkina Faso, Kapteni Ibrahim Traore Ndivyo unavyoweza kueleza, baada kiongozi huyo maarufu duniani,kutuma mwakilishi wake wa masuala ya afya Burkina Faso nchini kuzungumza na kutiliana saini hati ya makubaliano na Taasisi ya Moyo Jakaya Kikwete (JKCI), katika kutoa huduma bobezi ya matibabu ya  magonjwa ya moyo. Kwa mujibu wa JKCI, hati hizo zimesainiwa kati ya  Mkurugenzi Mtendaji wa Taasisi ya Moyo Jakaya Kikwete (JKCI), Dk. Peter Kisenge na Mshauri wa Rais wa Burkina Faso na Mratibu wa Kitaifa wa Mpango wa Afya wa Rais, Drissa Traore, jana jijini Dar es Salaam. Akizungumza baada ya kusaini makubaliano hayo, Dk. Kisenge amesema makubaliano hayo yataimarisha utoaji wa  huduma za matibab...
Endelea kusoma

Wawekezaji wa Oman watua nchini, wateta na NHC kuchochea mapinduzi sekta ya makazi

Picha
Mwandishi Wetu,daimatznews@gmail.com Tanzania imepiga hatua isiyosahaulika katika historia ya maendeleo yake, baada ya kikosi cha wawekezaji wa ngazi ya juu kutoka Ufalme wa Oman, kufanya ziara nchini na kukutana na uongozi wa Shirika la Nyumba Tanzania (NHC), wakifungua fursa kubwa za mabadiliko makubwa katika sekta ya nyumba na maendeleo ya miji nchini. Ujumbe wa Wawekezaji kutoka Oman(kulia) ukiwa katika mkutano na uongozi wa Shirika la Nyumba la Taifa (NHC), (kushoto), makao makuu ya shirika hilo jijini Dar es Salaam Mei 20,2024. Ujumbe huo uliongozwa na Balozi wa Oman nchini Tanzania, Saud Al Shidha, ulikuwa na malengo kadhaa ya kukuza ushirikiano wa kiuchumi ikiwamo kuanzisha mabadiliko ya kimkakati, yatakayochochea ukuaji wa sekta ya makazi kwa njia ya ubia wa kimataifa. Katika kikao cha kihistoria kilichofanyika Makao Makuu ya Shirika la Nyumba la Taifa (NHC) – Kambarage House, ujumbe wa Oman ulipokelewa na Mkurugenzi Mkuu wa NHC, Hamad Abdallah, pamoja na viongozi waandamizi w...
Endelea kusoma